Իոննա Ավագյան

Վիքիպեդիայում կան հոդվածներ Ավագյան ազգանունով այլ մարդկանց մասին։

Իոննա Ցոլակի Ավագյան (հունվարի 27, 1940(1940-01-27), Երևան, Հայկական ԽՍՀ, ԽՍՀՄ - մայիսի 17, 2011(2011-05-17), Երևան, Հայաստան), հայ ազգագրագետ, Հայաստանի Պատմության պետական թանգարանի ավագ գիտաշխատող, հայկական գորգերի փորձագետ։

Իոննա Ավագյան
Ծնվել է	հունվարի 27, 1940(1940-01-27) Երևան, Հայկական ԽՍՀ, ԽՍՀՄ
Մահացել է	մայիսի 17, 2011(2011-05-17) (71 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Մասնագիտություն	ազգագրագետ և ազգագրագետ
Հաստատություն(ներ)	Հայաստանի Պատմության Թանգարան
Ալմա մատեր	Հայկական պետական մանկավարժական համալսարան
Տիրապետում է լեզուներին	հայերեն
Ամուսին(ներ)	Վիգեն Ավագյան

Կենսագրություն

Ծնվել է 1940 թվականի հունվարի 27-ին, Երևան քաղաքում։ 1948-1958 թվականներին սովորել է Կրուպսկայայի անվան դպրոցում։ 1959 թվականին ընդունվել է Երևանի Խ. Աբովյանի անվան պետական մանկավարժական ինստիտուտի պատմա-լեզվագրական ֆակուլտետը։ 1965 թվականին, ավարտելով ինստիտուտը, աշխատանքի է անցել Հայաստանի պատմության թանգարանի ազգագրության բաժնում, որտեղ աշխատել է մինչև կյանքի վերջ։ Նրա ուսումնասիրության առարկան եղել է հայկական գորգերի տիպաբանությունը։ Իոննա Ավագյանը ՀՀ Մշակութային արժեքների փորձագիտական կենտրոնի հանձնաժողովի գորգագետ-փորձագետն էր։ ՀՀ Մշակույթի նախարարության հանձնարարությամբ մասնակցել է Հայաստանի բազմաթիվ թանգարանների՝ Ազգային պատկերասրահի, Երևան քաղաքի պատմության, Սարդարապատի Ազգագրության և Ժողովրդական արվեստի ֆոնդերի գույքահաշվառման աշխատանքներին։

Ծնողներ՝ Ցոլակ Ավագյան և Արփիկ Ավետիսյան, երեխաներ՝ Վահագն Ավագյան, Լիլիթ Ավագյան։

Երկեր

«Կովկասյան գորգեր» ալբոմի ազգագրագիտական հոդվածների հեղինակ է։

2000 թվականից ուսումնասիրել է հայերեն արձանագրությամբ գորգերը։ 2010 թվականին Հայաստանի պատմության թանգարանի կողմից հրատարակվել է «Հայերեն արձանագրությամբ գորգեր» ալբոմ-կատալոգը՝ ըստ թանգարանի հավաքածուի։

Արտաքին հղումներ

• Լիլիթ Ավագյան, Որ հիշեն հոր հարսանիք