Նիկոլ Աղբալյանի անվան թիվ 19 հիմնական դպրոց
Նիկոլ Աղբալյանի անվան թիվ 19 հիմնական դպրոց, հանրակրթական դպրոց Երևանի Կենտրոն վարչական շրջանում։
| Նիկոլ Աղբալյանի անվան թիվ 19 հիմնական դպրոց | |
|---|---|
.jpg) | |
| Տեսակ | դպրոց |
| Հիմնադրված է | 1921 |
| Անվանված է | Նիկոլ Աղբալյան |
| Երկիր |  Հայաստան |
| Տեղագրություն | Երևան |
| Հասցե | Երևան, Կենտրոն վարչական շրջան, Տերյան 54 |
Պատմություն Խմբագրել
Դպրոցը հիմնադրվել է 1921 թվականին՝ որպես Հայաստանի լուսավորության նախարարությանը կից փորձարարական-ցուցադրական դպրոց և կոչվել Նադեժդա Կրուպսկայայի անունով։ Սկզբում դպրոցը գործել է Թումանյան փողոցի թիվ 5 շենքում, այնուհետև մինչև 1938 թվականը գործել է Պուշկինի փողոցում։ Դպրոցի նոր շենքի հատակագիծը կազմել է ճարտարապետ Զավեն Բախշինյանը։ 1938 թվականին դպրոցը տեղափոխվել է Տերյան փողոցի 54 հասցեում գտնվող նորակառույց շենք։ 1971 թվականին դպրոցի 1933 թվականի շրջանավարտ Ռազմիկ Ալավերդյանի նախագծով կառուցվել է դպրոցի նոր մասնաշենք` նախատեսված 600 աշակերտի համար։ 1978 թվականին կառուցվել են ֆիզկուլտուրայի դահլիճը և ևս ութ դասասենյակ։ 1991 թվականի դեկտեմբերի 5-ին ՀՀ կրթության նախարարության կոլեգիայի որոշման համաձայն Կրուպսկայայի անվան համար 19 միջնակարգ դպրոցը վերանվանվել է Նիկոլ Աղբալյանի անունով։
Դպրոցի շրջանավարտներից շատերը մասնակցել են Հայրենական պատերազմին։ Նրանց անունները զետեղված են դպրոցում տեղադրված մարմարե հուշատախտակին[1][2]։
Վաստակաշատ մանկավարժներ և տնօրեններ Խմբագրել
Հիմնադիր և առաջին տնօրեն՝ Արշավիր Շավարշյան[3], Խաչատրյան Տաթևիկ, Վարյա Վարդանյան, Մարգո Ղազարյան, Մարիամ Հայկազունի, Նինա Զիլֆուղարյան, Օֆելյա Պետրոսյան, Ռուբեն Զուրաբյան,Հասմիկ Ղարիբյան, Անուշավան Պողոսյան, Լիանա Աշրաֆյան։
Շրջանավարտներ Խմբագրել
Պատկերասրահ Խմբագրել
.jpg)
.jpg)
.jpg)
.jpg)
Ծանոթագրություններ Խմբագրել
- ↑ Երևանի քաղաքապետարանի ենթակայության դպրոցներ
- ↑ «Schools of Yerevan | ognirdprocid.am»։ www.ognirdprocid.am։ Վերցված է 2016-09-03(չաշխատող հղում)
- ↑ Հարությունյան Գ. (30.05.1974 թ.)։ «Մանկավարժության մեծ երախտավորը»։ Սովետական Հայաստան