Ինույամա ամրոց

Ինույամա ամրոց
Երկիր`	Ճապոնիա
Հիմնող`	Oda Hirochika?

Ինույամա ամրոց (ճապ՝ 犬山城 инуяма-дзё:), ամրոց Ճապոնիայի Ինույամա քաղաքում։ Գտնվում է Քիսո գետի մոտակայքում գտնվող բլրի վրա, որով անցնում է Այթի և Գիֆու պրեֆեկտուրաների սահմանը։ Ինույամա ամրոցը հաճախ անվանում են ճապոնիայի ամենահին ամրոցներից մեկը։ Ամրոցի գլխավոր աշտարակը ընդգրկվել Է Ճապոնիայի ազգային գանձերի ցանկում։

Պատմություն խմբագրել

Ինույամա բառը ճապոներենից թարգմանաբար նշանակում է շան լեռ։ Ամրոցն ունի նաև երկրորդ անվանումը։ Այն է ՝ Հակուտեի ամրոց («սպիտակ կայսեր ամրոց»)^[1]։ Այդ անվանումը տվել է գիտնական Օգյու Սորայեմը^[2]։

Ենթադրվում է, որ ամրոցը կառուցվել է 1440-ական թվականներին^[2]։ Ամրոցի հիմնական աշտարակները կառուցվել են 1537 թվականին Օդո Նոբույասի կողմից։

1891 թվականին ամրոցը երկրաշարժից տուժեց:1895 թվականին Ճապոնիայի կառավարությունը որոշում է կայացնում ամրոցը վերադարձնել Նարուսե ցեղին, ավելի լավ վիճակում պահելու համար^[3]։

1965 թվականին ամրոցը քանդվել է կապիտալ վերանորոգման համար։ Փայտե ճառագայթների ուսումնասիրությունից հետո պարզվել է, որ ամրոցի ստորին հարկերը շատ ավելի վաղ են կառուցվել^[4]։

Ամրոցի կառուցվածքը խմբագրել

Ինույամա ամրոցից բացվող տեսարան, որտեղից երևում է Քիսո գետը:

Ինույամա ամրոցը պատկանում է հին լեռնային ամրոցների դասին։ Ունի 3 շատ մեծ միջանցքներ, 4-րդ ներքին հարկ և երկու նկուղային հարկեր^[1]։ Ամրոցի կառուցվածքը բավականին շատ փոփոխվել է։ Ժամանակակից աշտարակները կառուցվել են 1537 թվականին։ 1617 թվականին կառուցվել է 3-րդ մեծ միջանցքը^[4]։ Գլխավոր աշտարակաը կառուցված է Աձուտի-Մոմոյամա ոճով։

Առաջին հարկում զորանոց է դայմեի զորքերի համար։ Դրանք բաժանված են չորս մասի և ունեն շրջանաձև տեսք։ Երկրորդ հարկը հանդիսանում է զենքի պահուստի, դրա պահպանման վայրը, սիկ երրորդ հարկում անձնական օգտագործման տարախքներ են։ Ամրոցի վերին դիտահարթակից տեսարան է բացվում դեպի Քիսո գետը^[5]։