Իբրահիմ Նագի
Իբրահիմ Նագի (ամբողջական անուն՝ արաբ․՝ - إبراهيم ناجي, դեկտեմբերի 31, 1898[1], Կահիրե, Եգիպտոս - մարտի 27, 1953[1]), արաբ բանաստեղծ և արձակագիր, «Ապոլլոն» ամսագրի հիմնադիր։
Իբրահիմ Նագի إبراهيم ناجي | |
|---|---|
 | |
| Ծնվել է | դեկտեմբերի 31, 1898[1] |
| Ծննդավայր | Կահիրե, Եգիպտոս |
| Վախճանվել է | մարտի 27, 1953[1] (54 տարեկան) |
| Վախճանի վայր | Կահիրե  Եգիպտոս |
| Մասնագիտություն | բանաստեղծ, երգերի հեղինակ, թարգմանիչ և բժիշկ |
| Ազգություն | արաբ |
| Քաղաքացիություն | .svg){kind=small} Եգիպտոս |
| Ուշագրավ աշխատանքներ | «Ամպերի ետևում» դիվան «Կահիրեի գիշերներ» դիվան «Գիշերվա տաճարում» դիվան |
Կենսագրություն խմբագրել
Իբրահիմ Նագին ծնվել է Կահիրեում, խոշոր պաշտոնյայի ընտանիքում։ Ինչպես Աբու Շադին, նա ավարտել է բժշկական համալսարանը, որից հետո աշխատել է որպես բժիշկ Կահիրեում, միառժամանակ զբաղվելով գրական գործունեությամբ։ Կատարել է թարգմանություններ ֆրանսիական և անգլիական պոետներից։ Նրա առաջին դիվանը «Ամպերի ետևում» (արաբ․՝ وراء الغمام՝ վարա ալ-ղամամ) լույս է տեսել 1934 թվականին։ 1944 թվականին լույս է տեսնում երկրորդ դիվանը՝ «Կահիրեի գիշերներ» (արաբ․՝ ليالي القاهرة՝ լայալի ալ-Կահիրա), ապա՝ «Գիշերվա տաճարում» (արաբ․՝ في معبد الليل՝ ֆի մա'բադ ալ-լեյլ, 1948)։ Իբրահիմ Նագիի ամբողջական բանաստեղծությունների ժողովածուն լույս է տեսել մշակույթի նախարարության կողմից։
Ստեղծագործություն խմբագրել
Նագին ներկայացնում է եգիպտական պոեզիայի սենտիմենտալ ռոմանտիզմի ուղղությունը։ Նա առանձնանում է իր սուբյեկտիվությամբ։ Նրա մոտ նույնպես գերակշռում է լիրիկական պոեզիան։ Բայց նա գրել է նաև էլեգիաներ։ Նրա բանաստեղծությունների մեծագույն մասը նվիրված են իրեն, իր մտածմունքներին, տառապանքներին, զգացմունքներին։ Ի տարբերություն Աբու Շադիի, նա կարծում է, որ բնությունը չի կարող բերել մշտական մխիթարություն։ Միակ բանը, որ կարող է թեթևացնել նրա տառապանքները սերն է։ Նա, ով չի սիրել, կյանքը զուր է ապրել։ Սերը վեհացնում է մարդուն և բուժում նրա հոգու վերքերը։ Նրա պոեզիայի մեջ հաճախ հանդիպում ենք քարավանների, անապատների, ճամփորդության նկարագրություններ։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
Աղբյուրներ խմբագրել
- Крымский А.Е. История новой арабской литературы (XIX - начало XX века). М, 1971.
- Сафронов В.В. Новая арабская литература. М., 1996.
- Ходжаева Р.У. Очерки развития египетской поэзии. Ташкент, 1985.
- Badawi, M.M. A Critical Introduction to Modern Arabic Poetry, Cambridge, 1992