Ժան Պիեռ Կորտո (ֆր.՝ Jean-Pierre Cortot, օգոստոսի 20, 1787(1787-08-20)[1][2][3][…], Փարիզ, Ֆրանսիայի թագավորություն[4] - օգոստոսի 12, 1843(1843-08-12)[1][2][3][…], Փարիզ, Փարիզի շրջան[4]), ֆրանսիացի քանդակագործ։

Ժան Պիեռ Կորտո
ֆր.՝ Jean-Pierre Cortot
Դիմանկար
Ծնվել էօգոստոսի 20, 1787(1787-08-20)[1][2][3][…]
ԾննդավայրՓարիզ, Ֆրանսիայի թագավորություն[4]
Մահացել էօգոստոսի 12, 1843(1843-08-12)[1][2][3][…] (55 տարեկան)
Մահվան վայրՓարիզ, Փարիզի շրջան[4]
ԳերեզմանՊեր Լաշեզ
Քաղաքացիություն Ֆրանսիա[1]
ԿրթությունՓարիզի Գեղեցիկ արվեստների ազգային բարձրագույն դպրոց և Հռոմի ֆրանսիական ակադեմիա (1813)[5]
Երկերfontaines de la place des Vosges?
Մասնագիտությունքանդակագործ
ԱշխատավայրՓարիզի Գեղեցիկ արվեստների ազգային բարձրագույն դպրոց
Պարգևներ և
մրցանակներ
ԱնդամությունԳեղեցիկ արվեստների ակադեմիա
 Jean-Pierre Cortot Վիքիպահեստում

Կենսագրություն

խմբագրել

Կորտոն ծնվել է Փարիզում։ Ավարտել է Գեղարվեստի ազգային բարձրագույն դպրոցը։ 1809 թվականին պարգևատրվել է Հռոմեական մրցանակով և հնարավորություն է ստացել ուղևորվել Հռոմ, որտեղ հաստատվել է Մեդիչիների առանձնատանը և աշխատել է 1810-1813 թվականներին։

Կորտոն աշխատել է 18-րդ դարի երկրորդ կեսի ակադեմիական նեոկլասիցիզմի ոճով` խստորեն հետևելով հույն-հռոմեական ավանդույթներին։ Կյանքի վերջում նրա արվեստն սկսել է ձեռք բերել ավելի ռոմանտիկ արտահայտում։

1825 թվականին Կորտոն դարձել է Գեղարվեստի ակադեմիայի անդամ և նշանակվել է Դպրոցի ուսուցիչ` որպես Շառլ Դյուպատիի հետնորդ։ 1841 թվականին պարգևատրվել է Պատվո լեգեոնի շքանշանով։

Նրա ուսանողներից են եղել Ժոզեֆ-Մարիուս Ռամյուն, Ժան Ժակը, Պիեռ-Շարլ Սիմարը, Ժան Օգյուստ Բարրը և անիմալիստ Պիեռ Լուի Ռույյարը։

Կորտոն մահացել է Փարիզում և թաղվել է Պեր Լաշեզ հայտնի գերեզմանոցում։ Մոնմարտրում նրա անունով փողոց է անվանակոչվել։

Գործունեություն

խմբագրել
 
«Ռուան» արձանը Փարիզի Կոնկորդի հրապարակում

Կորտոյի ամենահայտնի և վեհ քանդակներից է «Ռուանը», որը գտնվում է Փարիզում։ Այն տեղակայված է Կոնկորդի հրապարակում և լրացնում է ութ քանդակների քանդակախումբը, որոնցից յուրաքանչյուրը խորհրդանշում է Ֆրանսիայի խոշոր քաղաքները։ Քանդակը ինքնին ներկայացնում է գահին վեհորեն նստած մի կին։

Կորտոյի ևս մեկ հայտնի աշխատանք է «1810 թվականի հաղթանակ» քանդակը, որը պատկերում է աշխարհը` թագավորի ոտքերի տակ։ Այն տեղակայված է Փարիզում, Հաղթական կամարի վրա, Ելիսեյան դաշտերի կողմից, Շառլ դե Գոլի հրապարակի 8-րդ շրջանում, որը կանգնեցվել է 1806-1836 թվականներին, ճարտարապետ Ժան Շալգրենիի կողմից՝ Նապոլեոն կայսեր հրամանով` իր «Մեծ բանակի» հաղթանակները նշանավորելու համար։

Ծանոթագրություններ

խմբագրել
  1. 1,0 1,1 1,2 1,3 1,4 1,5 RKDartists (նիդերլ.)
  2. 2,0 2,1 2,2 2,3 2,4 Jean-Pierre Cortot // Benezit Dictionary of ArtistsOUP, 2017. — ISBN 978-0-19-977378-7doi:10.1093/BENZ/9780199773787.ARTICLE.B00042808
  3. 3,0 3,1 3,2 3,3 3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  4. 4,0 4,1 4,2 4,3 4,4 4,5 Deutsche Nationalbibliothek Record #116685743 // Gemeinsame Normdatei (գերմ.) — 2012—2016.
  5. AGORHA (ֆր.) — 2009.
 Վիքիպահեստն ունի նյութեր, որոնք վերաբերում են «Ժան Պիեռ Կորտո» հոդվածին։