Ժաննա Հակոբյան
Ժաննա Հակոբյան (օգոստոսի 23, 1954, Ստեփանակերտ, Ադրբեջանական ԽՍՀ, ԽՍՀՄ), գրող, բանաստեղծուհի, արձակագիր, գրականագետ, բանասիրական գիտությունների թեկնածու, բնության և հասարակության մասին գիտությունների միջազգային ակադեմիայի անդամ, ՀԳՄ անդամ սկսած 2008 թվականից[1]։
Ժաննա Հակոբյան | |
|---|---|
| Ծնվել է | օգոստոսի 23, 1954 (69 տարեկան) |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
| Մասնագիտություն | գրող, բանաստեղծուհի, արձակագիր, գրականագետ և համալսարանի դասախոս |
| Քաղաքացիություն |  Հայաստան |
| Կրթություն | Արցախի պետական համալսարան և Երևանի պետական համալսարան |
| Անդամակցություն | ՀԳՄ |
| Աշխատավայր | Երևանի պետական գեղարվեստա-թատերական ինստիտուտ |
| Պարգևներ |  |
| Ժաննա Հակոբյան Վիքիդարանում | |
Կենսագրություն խմբագրել
Ավարտել է Ստեփանակերտի մանկավարժական ինստիտուտի բանասիրական ֆակուլտետը, Մոսկվայի Արվեստի ժողովրդական համալսարանը՝ ստանալով դերասանի վկայական։ Ավարտել է Երևանի պետական համալսարանի ասպիրանտուրան։ 1986 թվականի մայիսի 16-ին պաշտպանել է գիտական թեզը «Թաթուլ Հուրյանի կյանքը և ստեղծագործությունը» թեմայով։ Դասախոսել է Երևանի և Աբովյանի տարբեր բուհերում («Գեղարվեստա-թատերական ինստիտուտ», «Երևան», «Հատիս», «Անանիա Շիրակացի» և Ճարտարագիտական համալսարաններում)[2]։
Գրքեր խմբագրել
Հրատարակել է 33 գիրք, «Սիրո աղոթքներ» (1992), «Վիրավոր անուրջներ» (1995)[3], «Ինձ մի որոնեք» (1998),«Գիսաստղ» (1998), «Նոր դարի մերկ ոգին» (2001)[4], «Արևոտ արցունքներ» (2001)[5], «Սիրո շղթաներ» (2002 թվական)[6], «Սիրո հովիտներ» (2003)[7], «Սեր և պատիժ» (2004)[8], «Մոխրացող վարդի բույրը» (2005)[9], «Մի չափեք ճնշումս» (2006), «Ղարաբաղի ճակատագիրը» (2007), գիրքը 1787-1797 թվականների Ղարաբաղի ժողովրդի պայքարի մասին է թուրքերի և պարսիկների դեմ), «Քեզ տեսնեի ժամանակին» (2007), «Փլուզված սիրո հովիտները» (2008), «Կարոտացավ» (2009), «Արյան հիշողություն» (2009), «Գրչով և զենքով» (2010), «Դատապարտված մենություն» (2010), «Արյան վրեժ» (2011), «Երջանկության դեղատոմսը» (2012)[10], «Օտար երազներ» (2014 թվական)։ Հեղինակ է նաև բանասիրական, գիտական և հրապարակախոսական բազմաթիվ հոդվածների։Հայոց ցեղասպանության 100-ամյա տարելիցին է նվիրված «Գողգոթայի երդվյալ վրիժառուն» վեպը (2015)։ 2015 թվականին հրատարակել է նաև «Հուշեր և աֆորիզմներ»-ը և «Ուր է սիրո հրեշտակս» վեպը։ 2016 թվականին տպագրվեց «Չսպիացող հոգիների ցավը» վեպը։ 2017 թվականին տպագրվեց «Ապրիլյան հերոսամարտ» վիպակը` որը նվիրել է Շուշիի ազատագրման 25-ամյակին:2018 թվականին տպագրվեց «Հայի գենը» վեպը։ 2019 թվականին տպագրվեց «Երազներիս խորանում» բանաստեղծական ժողովածուն:2020-ին տպագրվեց «Փրկօղակ» խորագրով վեպը։ 2021 թվականին տպագրվեց «Կյանքը թունելի միջով» վերնագրով վիպակը։2021թվականին տպագրվեց <Արծիվները դավադիր թակարդում> վիպակը։2022թ. տպագրվեց .ՙՀայրենիքը՝ փշրված հայելի՚ վեպը։
Պարգևներ խմբագրել
- 2011 թ. արժանացել է «Ոզնի» երգիծաթերթի տարվա դափնեկրի կոչման։
- 2014 թ. արժանացել է ԲՀԳ միջազգային ակադեմիայի «Լեոնարդո դա Վինչի» մեդալի։
- 2014 թ. հայրենասիրական աշխատանքներ լուսաբանելու համար արժանացել է ԼՂՀ ԱԿԱՀ միության «Հայրենիք և հավատ» ոսկե մեդալի։
- 2015 թ. արժանացել է ՀԳՄ և ՀՀ ՊՆ համատեղ մրցանակաբաշխության «Արձակ»-ի անվանակարգում դիպլոմի «Գողգոթայի երդվյալ վրիժառուն» գրքի համար։
- 2016 թ. արժանացել է ՀԳՄ և ՀՀ ՊՆ համատեղ մրցանակաբաշխության «Արձակ»-ի գծով 2-րդ գրական մրցանակի «Չսպիացած հոգիների ցավը» գրքի համար։
- 2016 թ. արժանացել է ՀՀ Պն «Գարեգին Նժդեհ» շքանշանի։
- 2016 թ. արժանացել է ԼՂՀ «Մայրական երախտագիտություն» հուշամեդալի` հայրենանպաստ գործունեության համար։
- 2017 թ արժանացել է ՀՀ Պն «Մարշալ Օհանյան» հուշամեդալի։
- 2018 թ. արժանացել է ՀԳՄ և ՀՀ ՊՆ համատեղ մրցանակաբաշխության «Արձակ»-ի գծով 3-րդ գրական մրցանակի «Ապրիլյան հերոսամարտ» գրքի համար։
- 2019 թ.արժանացել է ՀԳՄ և ՀՀ ՊՆ համատեղ մրցանակաբաշխության գրական մրցանակի «Հայի գենը» վեպի համար։
- 2020 թ. արժանացել է ՀԳՄ և ՀՀ ՊՆ համատեղ մրցանակաբաշխության Արձակի անվանակարգում 1-ին մրցանակի «Ճակատագրով դատապարտվածները» վեպի համար։
- 2021թ.«Փրկօղակ» խորագրով գիրքը արժանացել է «Հրանտ և Մանուշակ Սիմոնյաններ» գրական հիմնադրամի մրցանակի
- 2023թ.ՀԳՄ Համահայկական գրական հիմնադրամի մրցանակ <Հայրենիքը փշրված հայելի> գրքի համար։
Երկեր խմբագրել
- Գրչով և զենքով (Թաթուլ Հուրյանի կյանքը և գործունեությունը), գիտական մենագրություն, Եր., 2010։
- Արյան հիշողություն, վեպ, Եր., 2009։
- Փլուզված սիրո հովիտներ, վեպ, Եր., 2008։
- Ղարաբաղի ճակատագիրը, (պատմավեպ), Եր., 2007։
- Սիրո աղոթքներ, (բանաստեղծություններ), Եր., 1992[11]:
Այլ ստեղծագործություններ խմբագրել
<Ժաննա Հակոբյանի «Սիրո աղոթքներ», «Վիրավոր անուրջներ», «Գիսաստղ», «Ինձ մի որոնեք», «Նոր դարի մերկ ուղին», «Քեզ տեսնեի ժամանակին», «Մի չափեք ճնշումս», <Երազներիս խորանում> բանաստեղծական ժողովածուների և 23 վեպերի հեղինակ է։ Ունի գրած նաև՝ մենագրություն, որը կոչվում է «Գրչով և զենքով»/Թաթուլ Հուրյանի կյանքի ու ստեղծագործությա մասին է։ «Փլուզված սիրո հովիտներ» և «Կարոտացավ» վեպերից առանձին օրինակներ ձեռք են բերել միջազգային համալսարանների գրադարանները (Լոնդոն. Ստոկհոլմ, Տորոնտո, Մասաչուսեթսի) :Նրա բանաստեղծություններից մի շարք ամերիկահայ թարգմանչուհի Դայանա Տեր-Հովհաննիսյանը թարգմանել է անգլերեն, որոնք 2005 թվականին տեղ են գտել «Հայ կանանց պոեզիան դարերի ընթացքում» հատընտիրում (Բոստոն)։
Գրականություն խմբագրել
- Ալբերտ Փարսադանյան, «Գիտելիքների շտեմարան», 2007 թ, 5-րդ հատոր, էջ 297
- Հայուհիներ, հանրագիտարան, 2011 թ., 1 հատոր, էջ 570
- Արդի հայ գրականության ժողովածու (ալմանախ).2006 թվական, էջ 156
- Հենրի Առուշանյան, 2017 թ., 96 էջ, «Գրողի դիմանկարը» (մենագրություն Ժ. Հակոբյանի մասին),
- Հայ երգիծանքի հանրագիտարան, 2018 թ., էջ 152-153
- Հուշարձան մայրերուն, 2019 թ., էջ 325-326
Ծանոթագրություններ խմբագրել
- ↑ «ԺԱՆՆԱ ՀԱԿՈԲՅԱՆ « Հայաստանի Գրողների Միություն». Վերցված է 2019 թ․ օգոստոսի 23-ին.
- ↑ «AV Production - Ժաննա Հակոբյան». avproduction.am. Արխիվացված է օրիգինալից 2021 թ․ հուլիսի 9-ին. Վերցված է 2019 թ․ օգոստոսի 23-ին.
- ↑ Հակոբյան, Ժաննա Նիկոլայի (1995). Վիրավոր անուրջներ։ Բանաստեղծություններ. Նաիրի. ISBN 9785550008928.
- ↑ Հակոբյան, Ժաննա Նիկոլայի (2001). Նոր դարի մերկ ոգին։ Բանաստեղծություններ. Ա. հ. ISBN 9789993040224.
- ↑ Հակոբյան, Ժաննա Նիկոլայի (2001). Արեւոտ արցունքներ։ Վիպակ. Զորավիգ. ISBN 9785807907844.
- ↑ Հակոբյան, Ժաննա Նիկոլայի (2002). Սիրո շղթաներ։ Վեպ. Հեղ. հրատ. ISBN 9789993040293.
- ↑ Հակոբյան, Ժաննա (2003). Սիրո հովիտներ։ Վիպակ. Մշակույթի հայկ. ֆոնդ. ISBN 9789993081579.
- ↑ Հակոբյան, Ժաննա (2004). Սեր եւ պատիժ։ Վիպակ. Ա. հ. ISBN 9789993041818.
- ↑ Հակոբյան, Ժաննա (2005). Մոխրացող վարդի բույրը։ վիպակ. Ա. հ. ISBN 9789993043447.
- ↑ Հակոբյան, Ժաննա (2012). Երջանկության դեղատոմսը։ վեպ. Heghinakayin hratarakutʻyun. ISBN 9789939003818.
- ↑ Հակոբյան, Ժաննա Նիկոլայի (1992). Սիրո աղոթքներ։ Բանաստեղծություններ. Նաիրի. ISBN 9785550007471.
 | Վիքիդարանն ունի նյութեր, որոնք վերաբերում են «Ժաննա Հակոբյան» հոդվածին։ |