Ժամանակակից արվեստի պատկերասրահ (Գլազգո)
Ժամանակակից արվեստի պատկերասրահ (անգլ.՝ Gallery of Modern Art), ժամանակակից արվեստի գլխավոր թանգարանը Գլազգոյում (Շոտլանդիա)։ Պատկերասրահում ներկայացված են տեղացի և օտարազգի նկարիչների աշխատանքները, անցկացվում են ցուցահանդեսներ և սեմինարներ։
Ժամանակակից արվեստի պատկերասրահ | |
|---|---|
 | |
| Տեսակ | պատկերասրահ, թանգարան և local authority museum? |
| Երկիր | .svg){kind=small} Միացյալ Թագավորություն[1] |
| Տեղագրություն | Գլազգո |
| Վայր | Գլազգո և Royal Exchange Square? |
| Մասն է | Glasgow Museums? |
| Հասցե | Queen Street, Glasgow G1 3AH[2] |
| Հիմնադրվել է | 1996 |
| Այցելուներ | 595 977 մարդ |
| Կայք | glasgowlife.org.uk/museums/gallery-of-modern-art(անգլ.) |
 | |
 | |
Պատմություն խմբագրել
Ժամանակակից արվեստի պատկերասրահը բացվել է 1996 թվականին, գտնվում է Թագավորական արժութային հրապարակում՝ նեոդասական շենքում՝ Գլազգոյի հենց կենտրոնում։ Շենքը կառուցվել է 1778 թվականին որպես Ուիլյամ Կանինգեմի առանձնատուն, որը ծագումով Լեյնշոուից էր և հարուստ ծխախոտային լորդ էր Գլազգոյում՝ իր հարստությունը ձեռք էր բերել եռանկյուն առևտի միջոցով[3]։
Այդ ժամանակից ի վեր շենքը ենթարկվել է մի շարք փոփոխությունների։ Սկզբում այն 1817 թվականին գնել է Շոտլանդիայի Թագավորական բանկը, որն ավելի ուշ տեղափոխվել է Բյուքենեն-սթրիթ, որից հետո այն դարձել Է Թագավորական բորսա։ Այդ ժամանակ էլ այն 1827-1832 թվականներին վերակառուցվել է ճարտարապետ Դևիդ Համիլթոնի ղեկավարությամբ։ Քուին փողոցի վրա գտնվող ճակատամասին ավելացվել են կորնթոսյան սյուներ, ավելացվել են նաև բարձր գմբեթը և հին տան հետևի մեծ դահլիճը։
1954 թվականին այդ շենք է տեղափոխվել Սթիրլինգի գրադարանը։ Իսկ երբ այն վերադարձել է Միլլեր փողոցի իր նախկին վայր, հրապարակի շենքը վերակառուցվել է այն բանի համար, որ այստեղ տեղափոխվի ժամանակակից արվեստի քաղաքային հավաքածուն։
Նկարագրություն խմբագրել
1996 թվականին իր բացման պահից սկսած՝ պատկերասրահը արդեն մի քանի միլիոն այցելու է ընդունել։ Այն ունի հատուկ հանրամատչելի ստուդիա կրթության համար, որը հեշտացնում է նկարիչների հետ սեմինարների և զրույցների անցկացումը, նկուղում կա մասնագիտացված գրադարան։ Շենքում կա նաև սրճարան, անվճար ինտերնետ-տերմինալներ, մուլտիմեդիա և գրքերի հանձնման ընդհանուր շինություն։ Թանգարանի հավաքածուն ներառում է Դևիդ Հոկնիի, Սեբաստյան Սալգադուի, Էնդի Ուորհոլի, նաև շոտլանդացի նկարիչներ Ջոն Բելանի և Քեն Քերիի աշխատանքները։
Շենքի դրսի կողմի հայելային ֆրոնտոնը 1996 թվականին արել է Նիկի դե Սեն Ֆալլը, և հայտնի է որպես Tympanum[4]։ Սեն Ֆալլին է պատկանում նաև պատկերասրահի հայելային նախասրահը։
Պատկերասրահի դիմաց՝ Քուին սթրիթ մայթին կանգնեցված է Արթուր Ուելսլի Վելինգթոնի արձանը՝ արված Կարլո Մարոչետտիի կողմից 1844թվականին[5]։
Ծանոթագրություններ խմբագրել
- ↑ https://vocaleyes.co.uk/research/heritage-access-2022/benchmark/
- ↑ Mapping Museums — 2016.
- ↑ На надгробном памятнике указан 1909 год рождения, в ряде источников и метрических документах — 1907.
- ↑ Anatole et Renée Jakovsky-Frère: qui sont-ils?
- ↑ Council in road cone statue plea BBC News, 16 февраля 2005