Թադևոս Տոնոյան
Թադևոս Վոլոդյայի Տոնոյան (մարտի 1, 1961, Երևան, Հայկական ԽՍՀ, ԽՍՀՄ), հայ բանաստեղծ, լեզվաբան, գրականագետ։ Բանասիրական գիտությունների թեկնածու, դոցենտ։
Թադևոս Տոնոյան | |
|---|---|
| Ծնվել է | մարտի 1, 1961 (63 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Մասնագիտություն | գրականագետ |
| Քաղաքացիություն |  Հայաստան |
| Կրթություն | Երևանի պետական համալսարան |
| Գիտական աստիճան | բանասիրական գիտությունների թեկնածու |
| Պարգևներ | |
| Թադևոս Տոնոյան Վիքիքաղվածքում | |
Կենսագրություն խմբագրել
Թադևոս Տոնոյանը ծնվել է Երևանում։ 1968-1978 թվականներին սովորել է Երևանի թիվ 102 միջնակարգ դպրոցում։ 1978-1983 թվականներին՝ Երևանի պետական համալսարանի բանասիրական ֆակուլտետում։ Աշխատել է «Պիոներ կանչ» թերթում, եղել է «Պիոներ» ամսագրի պատասխանատու քարտուղարը, 1991 թվականից նույն ամսագրի գլխավոր խմբագիրն է։ 1994-1995 թվականներին աշխատել է Հայաստանի հեռուստառադիոպետվարչությունում՝ որպես «Մայրաքաղաք» ստեղծագործական միավորման փոխտնօրեն, այնուհետև պետական ռադիոյի «Իրավունք» ծրագրի ղեկավար։
Դասավանդում է Երևանի պետական համալսարանում։
Թադևոս Տոնոյանի առաջին բանաստեղծությունը լույս է տեսել 1974 թվականին «Պիոներ-կանչ» թերթում[1]։
Թադևոս Տոնոյանը զբաղվում է նաև գիտական գործունեությամբ, հեղինակ է գրականագիտական, լեզվագիտական ու մշակութաբանական տասնյակ հոդվածների։
Տոնոյանի ստեղծագործությունները թարգմանվել են անգլերեն, պարսկերեն, ֆրանսերեն, սերբերեն, ռուսերեն, բելառուսերեն և այլ լեզուներով։
Պարգևներ խմբագրել
- Մշակույթի հայկական ֆոնդի «Տարվա լավագույն բանաստեղծություն» մրցանակ, 1999
- ՀՀ մշակույթի նախարարության Ոսկե մեդալ, 2008
- ՀՀ Վարչապետի Ոսկե մեդալ, 2014
Երկեր խմբագրել
- «Սերմաստղ» բանաստեղծությունների ժողովածու, 1994 թվական։
- «Մայրերու հրեշտակներ» բանաստեղծությունների ժողովածու, 1997 թվական։
- «Մոմի կաթիլներ», բանաստեղծությունների ժողովածու, 2001 թվական։
- «Ծննդյան հեքիաթ» չափածո լեգենդը՝ մանուկների համար, 2001 թվական։
- «Ծիծաղն ու իր բախտը» մանկական բանաստեղծությունների ժողովածու, 2003 թվական։
- «Եղիշեի ակամա ընդդիմախոս Եղիշեն» գիտական մենագրություն, 2002 թվական։
- «Կորյունի տեքստը և հայ գրի առեղծվածը» գիտական մենագրություն, 2005 թվական։
- «Թևավոր ծաղիկներ» գիրք պատանիների համար՝ 2004 թվական։
- «Երկրից հետո» բանաստեղծությունների գիրքը, 2002 թվական։
- «Երկնքից առաջ» բանաստեղծությունների գիրքը, 2010 թվական։
- «Հեքիաթ աղբյուրի ձայնի մասին» լեգենդը մանուկների համար, 2011 թվական։
- «Մայրերու հրեշտակներ» բանաստեղծությունների ժողովածու, հայերեն, անգլերեն, իսպաներեն, ռուսերեն, ֆրանսերեն, գերմաներեն, 2015 թվական։
- Հայերենի տեքստը և լեզվամտածողական արժեհամակարգը, գիտական մենագրություն, 2016 թվական։
- Սահմանումներ Հայաստանի համար, բանաստեղծությունների ժողովածու, 2016 թվական։
Թարգմանություններ խմբագրել
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Արդի եվրոպական պոեզիա.- Երևան։ Ապոլոն, 2005.- 191 էջ։
Ծանոթագրություններ խմբագրել
- ↑ Թադևոս Տոնոյանի մասին ԵՊՀ կայքում(չաշխատող հղում)
Արտաքին հղումներ խմբագրել
