Էքին Մերթ Դայմազ
Էքին Մերթ Դեյմազ (թուրքերեն՝ Ekin Mert Deymaz, դեկտեմբերի 2, 1990[1], Արնհեմ, Նիդերլանդներ), թատրոնի և կինոյի թուրք դերասան և մոդել։ «Թուրքիայի լավագույն մոդել» մրցույթի ժամանակ զբաղեցրել է երրորդ հորիզոնականը։ 2016 թվականի դրությամբ խաղացել է երեք հեռուստասերիալներում։ Հեռուստասերիալների ոլորտում առաջին խաղը եղել է «Նոթատետր» հեռուստասերիալում, որը վարկանիշի պատճառով շուտով փակվել է[2][3]։ Հաջորդ տարի դերասանը սկսեց նկարահանվել «Ելակի բույրը» հեռուստասերիալում՝ մարմնավորելով Վոլքան Մաժարօղլուի դերը։ Հեռուստասերիալը ցուցադրվել է թուրքական Star TV հեռուստաընկերության եթերում։ Նրա խաղընկերներն են եղել Յուսուֆ Չիմը և Դեմեթ Օզդեմիրը։ Հեռուստասերիալը եղել է 2015 թվականի ամառային եթերաշրջանի ամենադիտված հեռուստասերիալը։ Նկարահանվել է «Կյանքը հիանալի է, երբ սիրում ես» հեռուստասերիալում, որը ցուցադրվել է FOX հեռուստաընկերության եթերում[4][5]։ Սերիալում Էքինը մարմնավորում է Սավաշ Գյոչերի դերը։ Բացի դերասանական կարիերայից զբաղվում է նաև մոդելային գործով և դասախոսությամբ։ Հալիչի համալսարանում սովորում է քոուչինգ և ֆիթնես։
Էքին Մերթ Դայմազ | |
---|---|
Ծնվել է | դեկտեմբերի 2, 1990[1] (33 տարեկան) |
Ծննդավայր | Արնհեմ, Նիդերլանդներ |
Քաղաքացիություն | Թուրքիա |
Մասնագիտություն | դերասան, մոդել և հեռուստատեսային դերասան |
Ֆիլմագրություն խմբագրել
- 2014 Նոթատետր – Էգեմեն Շանօղլու
- 2015 Ելակի բույրը – Վոլքան Մաժարօղլու
- 2016 Կյանքը հիանալի է, եթե սիրում ես – Սավաշ Գյոչեր