Էրիզիպելոիդ

Էրիզիպելոիդ, Ռոզենբախի էրիզիպելոիդ, մաշկի վարակիչ հիվանդություն։ Հարուցիչը խոզի կարմիր քամու ցուպիկներն են։

Գաղտնի շրջանը մի քանի ժամից մի քանի օր է։ Հարուցիչի թափանցման տեղում (առավելապես դաստակների, երբեմն՝ ներբանների մաշկի վրա) առաջանում է էրիթեմա, այտուց, բարձրանում է մաշկի զգայնությունը։ Ախտահարված հատվածում ի հայտ են գալիս հանգույցներ, բշտիկներ, մեծանում են մոտակա ավշահանգույցները։ Հիվանդությունը կարող է ավարտվել մի քանի օրից հետո, բայց երբեմն տևում է շաբաթներ։

Բուժումը՝ հակաբիոտիկներ, սուլֆանիլամիդային պատրաստուկներ, ուլտրամանուշակագույն ճառագայթում։

Տես նաև

• Կարմիր քամի

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 95)։