Էմեթ Չափման
Էմեթ Չափման (անգլ.՝ Emmett Chapman սեպտեմբերի 28, 1936, Սանտա Բարբարա, Կալիֆոռնիա, ԱՄՆ - նոյեմբերի 1, 2021[1], Լոս Անջելես, Կալիֆոռնիա, ԱՄՆ, ջազ երաժիշտ, որը հայտնի է որպես Չափմանի փայտիկի գյուտարար։
| Էմեթ Չափման անգլ.՝ Emmett Chapman | |
|---|---|
 | |
| Ծնվել է | սեպտեմբերի 28, 1936 |
| Ծննդավայր | Սանտա Բարբարա, Կալիֆոռնիա, ԱՄՆ |
| Մահացել է | նոյեմբերի 1, 2021[1] (85 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԱՄՆ |
| Մասնագիտություն | ջութակ ստեղծող, ջազ երաժիշտ, կիթառահար, ջազ կիթառահար և գյուտարար |
| Կայք | emmettchapman.net |
 Emmett Chapman Վիքիպահեստում | |
Կենսագրություն
խմբագրելՉափմանը որպես կիթառահար սկսել է ձայնագրվել 1960-ական թվականների վերջին։ Նա նվագել է տարբեր հանրաճանաչ արվեստագետների, այդ թվում` ջազ կիթառահար Բարնի Քեսելի և սիրված երգիչ ու երգահան Թիմ Բաքլիի հետ։ Չափմանի այս ժամանակահատվածի երաժշտության վրա ազդել է Ջոն Քոլթրեյնի ստեղծագործությունը[2]։
Աստիճանաբար Չափմանի ոճը փոփոխվել է։ Երաժիշտը փորձեր է կատարել կիթառի կառուցվածքի հետ` փորձելով հասնել ստեղնաշարի հետ համեմատելի ձայնային հնարավորությունների, մասնավորապես ավելացնելով նոր լարեր, բայց ի վերջո նրա հետաքրքրությունը գրավել է կատարման քիչ հայտնի ոճը, որը հայտնի է թեփփինգ անունով։ Եզրակացնելով, որ դասական կիթառի դիզայնը այդ ոճին այնքան էլ համապատասխան չէ, Չափմանն ստեղծել է նոր գործիք, որը կիթառի երկար ու լայն պարանոց է 8, 10 կամ 12 լարերով[2]։ Նա իր համար ստեղծել է առաջին փայտիկը 70-ական թվականների սկզբին[3]։ Հետագայում Չափմանն ստացել է 14 արտոնագիր տարբեր տեսակի ձողերի համար։ 1970-ական թվականներին Չափմանը շրջագայել է` խթանելու իր երաժշտությունն ու գործիքները, որոնցից ստեղծել է մոտ 5000 հատ հաջորդ 30 տարիների ընթացքում։ 21-րդ դարի սկզբին ամբողջ աշխարհում հազարավոր երաժիշտներ էին նվագում Չափմանի փայտիկով, նոր գործիքի ամենահայտնի վարպետներից մեկը King Crimson-ի բաս կիթառահար Թոնի Լևինն է։
1985 թվականին Չափմանը թողարկել է «Parallel Galaxy» վերնագրով անհատական ալբոմը։ Ըստ Չափմանի, իր երաժշտական ոճը ջազ կիթառահար Ջոն Մաքլաֆլինի ազդեցության արդյունքն է։ Ձայնասկավառակի երգերից մեկը` «Back Yard»-ը, օգտագործվել է «Dune» կինոնկարում։ Չափմանի` ոսկեգույն ներկված փայտիկը` ներքևի հատվածում սոսնձված դդումով, օգտագործվել է որպես ինը լարանի երաժշտական գործիք` բալիսետ, որը նկարագրված է համանուն վեպում[2]։
1987 թվականին Չափմանը թողարկել է ուսուցողական տեսանյութ, որը կոչվում էր «Hands Across The Board»:
Ծանոթագրություններ
խմբագրել- ↑ 1,0 1,1 1,2 Emmett Chapman, musician and inventor of the Chapman Stick, dies at 85
- ↑ 2,0 2,1 2,2 Aaron Steinberg (2005-04). «Emmett Chapman: Stick Ball» (անգլերեն). JazzTimes. Արխիվացված է օրիգինալից 2011 թ․ սեպտեմբերի 10-ին. Վերցված է 2011 թ․ մայիսի 7-ին.
- ↑ Айрин Орлеански (2006 թ․ մայիսի 25). «Введение в Чэпмен Стик: стандартный и гранд-стик». MusicBox №38. Վերցված է 2011 թ․ մայիսի 7-ին.(չաշխատող հղում)
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Էմեթ Չափման» հոդվածին։ |