Վիքիպեդիա

Զորիկ Պողոսյան

Զորիկ Կարենի Պողոսյան (սեպտեմբերի 4, 1990(1990-09-04), Կիրովական, Հայկական ԽՍՀ, ԽՍՀՄ), հայ ծանրամարտիկ, ուժային եռամարտի աշխարհի և Եվրոպայի եռակի չեմպիոն, Գինեսի և Դյուցազնագրքի քառակի ռեկորդակիր[1], Հայաստանի սպորտի վարպետ (2007), միջազգային կարգի սպորտի վարպետ (2021)[2]։

Զորիկ Պողոսյան
Անձնական տեղեկություն
Սեռ՝արական
Ծննդյան ամսաթիվ՝սեպտեմբերի 4, 1990(1990-09-04) (34 տարեկան)
Ծննդավայր՝Կիրովական, Հայկական ԽՍՀ, ԽՍՀՄ

Կենսագրություն

խմբագրել

Զորիկ Պողոսյանը ծնվել է 1990 թվականի սեպտեմբերի 4-ին Լոռու մարզի Վանաձոր քաղաքում։ 1997-2006 թվականներին սովորել է Վանաձորի Ակսել Բակունցի անվան թիվ 7 միջնակարգ դպրոցում։ 1999 թվականից զբաղվել է ծանրամարտով։ 2008-2010 թվականներին ծառայել է Հայաստանի զինված ուժերում։ 2011-2015 թվականներին սովորել է Ֆիզիկական կուլտուրայի հայկական պետական ինստիտուտի Մարզչամանկավարժական ֆակուլտետում։

2012 թվականից առ այսօր աշխատում է Վանաձորի ծանրամարտի մասնագիտացված մարզադպրոցում՝ որպես մարզիչ։

2018 թվականից աշխատում է Հայաստանի ԱԻՆ ՓԾ Լոռու մարզային փրկարարական վարչության Վանաձորի թիվ 2 հրշեջ-փրկարարական ջոկատում՝ որպես փրկարար[3]։

Նվաճումներ

խմբագրել

2006 թվականին մասնակցել է Եվրոպայի առաջնությանը և զբաղեցրել 4-րդ մրցանակային տեղը։ 2008-2012 թվականներին մասնակցել է ծանրամարտի աշխարհի և Եվրոպայի առաջնություններին՝ զբաղեցնելով մրցանակային տեղեր։

2018 թվականին Թբիլիսիում կայացած ուժային եռամարտի Եվրոպայի առաջնությունում դարձել է բացարձակ չեմպիոն[4]։ 2019 թվականին Ուկրաինայի Լուցկ քաղաքում կայացած աշխարհի առաջնությունում 607 կգ արդյունքով դարձել է աշխարհի բացարձակ չեմպիոն[5][6]։ Նույն տարում IPSU վարկածով դարձել է աշխարհի կրկնակի չեմպիոն 90 կգ քաշային կարգում՝ 610 կգ եռամարտի արդյունքով։ 2019 թվականին դարձել է ուժային եռամարտի Եվրոպայի կրկնակի չեմպիոն։

2020 թվականին սահմանել է Դյուցազնագրքի ռեկորդ․ 200 կգ ծանրաձողն ուսերին կատարել է կքանիստ վարժությունը՝ այս դիրքում պահելով 40 վայրկյան[7]։

2021 թվականի մայիսին սահմանել է համաշխարհային ռեկորդ․ 205 կգ ծանրաձողը նստած վիճակում պահել է 15 վայրկյան, ապա ծանրաձողն ուսին ևս 3 անգամ կքանստել է ու բարձրացել։ Մի քանի րոպե անց գերազանցել է իր ռեկորդը՝ վարժությունը կրկնելով 210 կգ ծանրաձողով և 5 կքանստումով ու բարձրանալով։ Հաղթանակը նվիրել է Արցախյան երկրորդ պատերազմում զոհված ընկերների հիշատակին[1][8][9][10][11]։ Նույն տարում դարձել է Եվրոպայի եռակի չեմպիոն և ռեկորդակիր։

2021 թվականի օգոստոսին սահմանել է համաշխարհային և Գինեսի եռակի ռեկորդ․ 200 կգ ծանրաձողը ուսերին նստած դիրքով պահել է 7 վայրկյան, ապա բարձրացել՝ 10 անգամ կքանստելով և բարձրանալով[12]։

2021 թվականի հոկտեմբերի 8-ին Զորիկ Պողոսյանը սահմանել է Դյուցազնագրքի և համաշխարհային ռեկորդ՝ շրջանցելով թուրք մարզիկի ռեկորդը։ Մարզիկը 170 կգ ծանրաձողը ուսերին նստած դիրքով քայլելով 2 մետր՝ կարողացել է բարձրանալ և 9 անգամ կքանստել ու բարձրանալ՝ այդ կերպ սահմանելով համաշխարհային նոր ռեկորդ։ Ռեկորդը նվիրել է իր սան Մհեր Քոչինյանի և բոլոր քաջորդիների հիշատակին[13]։

2022 թվականի մայիսի 27-ին սահմանել է համաշխարհային ռեկորդ՝ գերազանցելով ինքն իրեն։ Բարձրացրել է 175 կգ ծանրաձողը, այն ուսերին դրած կքանստած քայլել 1,9 մ (12 քայլ), որից հետո կատարել շրջադարձ 8 քայլով, բարձրացել և 8 անգամ կքանստել։ Մարզիկն իր ռեկորդը նվիրել է Ղարաքիլիսայի ճակատամարտին[14][15]։

Մրցանակներ և պարգևներ

խմբագրել
  • Աշխարհի և Եվրոպայի եռակի չեմպիոն
  • Հայաստանի բազմակի չեմպիոն
  • Գինեսի և Դյուցազնագրքի կրկնակի ռեկորդակիր
  • «Լավագույն հրշեջ-փրկարար» (Հայաստանի ԱԻՆ, 2018)
  • «Անվեհեր փրկարար» մեդալ (Հայաստանի ԱԻՆ, 2019)[16]
  • «Կանխարգելում, օգնություն, փրկություն» մեդալ (Հայաստանի ԱԻՆ, 2021)

Ծանոթագրություններ

խմբագրել
  1. ↑ 1,0 1,1 «Վանաձորցին համաշխարհային ռեկորդ սահմանեց և իր հաղթանակը նվիրեց արցախյան հերոսներին». Sputnik Armenian. Վերցված է 2021 թ․ սեպտեմբերի 10-ին.
  2. ↑ «Աշխարհի և Եվրոպայի չեմպիոն, հրշեջ-փրկարար Զորիկ Պողոսյանը նոր ռեկորդ է սահմանել». Armtimes.com. Վերցված է 2021 թ․ սեպտեմբերի 10-ին.
  3. ↑ Իրազեկ.am. «ՀՀ ԱԻՆ-ի հրշեջ-փրկարարը դարձել է ուժային եռամարտի աշխարհի բացարձակ չեմպիոն - Իրազեկ». Իրազեկ.am. Վերցված է 2021 թ․ սեպտեմբերի 10-ին.
  4. ↑ Իրազեկ.am. «ԱԻՆ-ի աշխատակից՝ Զորիկ Պողոսյանը, դարձել է IPSU վարկածով աշխարհի առաջնության ոսկե մեդալակիր - Իրազեկ». Իրազեկ.am. Վերցված է 2021 թ․ սեպտեմբերի 10-ին.
  5. ↑ Իրազեկ.am. «ԱԻՆ աշխատակից և մարզիկ Զորիկ Պողոսյանը գրանցել է հերթական հաջողությունը - Իրազեկ». Իրազեկ.am. Վերցված է 2021 թ․ սեպտեմբերի 10-ին.
  6. ↑ TV, Azat (2021 թ․ մայիսի 25). «Ուժային եռամարտի հավաքական թիմը հաջող մասնակցություն է ունեցել Եվրոպայի առաջնությունում». Azat TV (ամերիկյան անգլերեն). Վերցված է 2021 թ․ սեպտեմբերի 10-ին.
  7. ↑ Իրազեկ.am. «Ուժային եռամարտի չեմպիոն Զորիկ Պողոսյանը սահմանել է նոր ռեկորդ - Իրազեկ». Իրազեկ.am. Վերցված է 2021 թ․ սեպտեմբերի 10-ին.
  8. ↑ «Գինեսի գրքի վանաձորցի ռեկորդակիրը հաղթանակը նվիրեց Արցախում զոհված հերոսների հիշատակին».
  9. ↑ «Համաշխարհային նոր ռեկորդը Զորիկ Պողոսյանը նվիրեց արցախյան պատերազմում զոհված հայորդիների հիշատակին».
  10. ↑ Լուրեր (2021 թ․ մայիսի 10). «Պողոսյանն իր հաղթանակը նվիրեց արցախյան հերոսներին». Arcakh24 info. Վերցված է 2021 թ․ սեպտեմբերի 10-ին.
  11. ↑ «Համաշխարհային 2 ռեկորդ 1 օրում, ԱԻՆ–ի հրշեջ փրկարարը նոր ռեկորդ է սահմանել`նվիրված 44–օրյա պատերազմի զոհերի հիշատակին (ՖՈՏՈ, ՎԻԴԵՈ)». newsarmenia.am. Վերցված է 2021 թ․ սեպտեմբերի 10-ին.
  12. ↑ «31-ամյա դյուցազունը նոր ռեկորդը նվիրեց անմահացած հերոսներին».
  13. ↑ myHost.am; http://myHost.com. «Զորիկ Պողոսյանն իր նոր ռեկորդը նվիրել է 44_օրյա պատերազմում զոհված իր սանին՝ Մհեր Քոչինյանին (տեսանյութ)». loritv.am. Վերցված է 2021 թ․ հոկտեմբերի 9-ին. {{cite web}}: External link in |last2= (օգնություն)
  14. ↑ https://xsoft.am. «Զորիկ Պողոսյանի ռեկորդների ռեկորդը». NewInfo. Վերցված է 2022 թ․ մայիսի 29-ին. {{cite web}}: External link in |last= (օգնություն)
  15. ↑ «Վանաձորցի Զորիկ Պողոսյանը գերազանցեց սեփական ռեկորդը». Aravot.am. Տաթևիկ Ղազարյան. 27․05․2022.
  16. ↑ «Պաշտոնական - Նորություններ, Հայաստանի արտակարգ իրավիճակների նախարարություն». www.mes.am. Արխիվացված է օրիգինալից 2021 թ․ սեպտեմբերի 10-ին. Վերցված է 2021 թ․ սեպտեմբերի 10-ին.

Արտաքին հղումներ

խմբագրել
Ստացված է «https://hy.wikipedia.org/w/index.php?title=Զորիկ_Պողոսյան&oldid=9523636» էջից