Զանզիբար (ինքնավարություն)
Անվան այլ կիրառումների համար տե՛ս՝ Զանզիբար (այլ կիրառումներ)
Զանզիբար (սվահիլի՝ Jamhuri ya Watu wa Zanzibar, անգլ.՝ People's Republic of Zanzibar, արաբ․՝ زنجبار՝ Զանզիբարի Ժողովրդական Հանրապետություն), կիսաինքնավարություն Տանզանիայի Միացյալ Հանրապետությունում, որը ստեղծվել է նախկին Տանգանիկա և Զանզիբար գաղութների միավորման արդյունքում։ Այն ներառում է երկու հիմնական կղզիներ՝ Պեմբան և Ունգուջան։ Վարչական կենտրոնը՝ Զանզիբար քաղաք (257 հազար բնակիչ, 2003 թ.):
 | |||
|---|---|---|---|
| |||
| Երկիր |  Տանզանիա | ||
| Կարգավիճակ | Նահանգ և վարչատարածքային միավոր | ||
| Մտնում է | Տանզանիա | ||
| Վարչկենտրոն | Զանզիբար (քաղաք) | ||
| Պաշտոնական լեզուներ | անգլերեն և սվահիլի | ||
| Բնակչություն | 1 503 569 մարդ (2012) | ||
| Տարածք | 2461 կմ² | ||
.svg) | |||
| Հիմնադրված է | ապրիլի 26, 1964 թ. | ||
| Ժամային գոտի | EAT? | ||
Պատմություն
խմբագրելՄիջնադարում Զանզիբարում տարածված էր ստրուկների վաճառքը Արևելյան Աֆրիկայից։ Ժամանակի ընթացքում ստրուկների առուծախը կենտրոնացած էր Օմանի արաբ վաճառականների ձեռքում։ XVI դարում Զանզիբարը դառնում է Պորտուգալիայի գաղութային ունեցվածքի մի մասը՝ Մոմբասի և Օրմուզի հետ միասին։ Զանզիբարում երկար ժամանակ պահպանվում էր սուլթանի իշխանությունը։ 1853 թվականին Օմանի սուլթաններից ամենահզորը՝ Սաիդ իբն Սուլթանը վերահսկողություն ստեղծեց աֆրիկյան ափերի մոտ և մայրաքաղաքը Մասկատից տեղափոխեց Զանզիբար։ Սուլթանի ժամանակ Զանզիբարում լայնածավալ շինարարություն էր ընթանում (կղզwu ճարտարապետական հուշարձանները ընդգրկված են ՅՈՒՆԵՍԿՕ-ի և Համաշխարհային ժառանգության ցուցակում)։ 1861 թվականին Զանզիբարի սուլթանատն առանձնացվեց Օմանից, իսկ 1890 թվականին այն դարձավ բրիտանական պրոտեկտորատ։
Պատկերասրահ
խմբագրել
 | Վիքիպահեստն ունի նյութեր, որոնք վերաբերում են «Զանզիբար (ինքնավարություն)» հոդվածին։ |