Զանգակ ազգակից
| Զանգակ ազգակից | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Աստղածաղկավորներ (Asterales) |
| Ընտանիք | Զանգակազգիներ (Campanulaceae) |
| Ենթաընտանիք | Զանգակայիններ (Campanuloideae) |
| Ցեղ | Զանգակ (Campanula) |
| Տեսակ | Զանգակ ազգակից (C. propinqua) |
| Միջազգային անվանում | |
| Campanula propinqua | |
Զանգակ ազգակից (լատին․՝ Campanula propinqua), զանգակազգիների ընտանիքին պատկանող ծածկասերմ բույս, որը գրանցված է Հայաստանի Հանրապետության Կարմիր գրքում։
Նկարագրություն խմբագրել
3-15 (30) սմ բարձրությամբ, եղանաձև ճյուղավորված միամյա գեղազարդային խոտաբույս է։ Թիանման ստորին ցողունային տերևները ձգված են ոչ պարզ երևացող կոթունի։ Կարճ կոթերով և զանգականման-ձագարաձև, կապտամանուշակագույն, հիմքում՝ դեղնավուն ծաղիկները գագաթնային են և գտնվում են ճյուղավորված ցողունների անկյուններում[1]։
Տարածվածություն խմբագրել
Հայաստանում հանդիպում է միայն Դարեղեգիսի ֆլորիստիկական շրջանում (Դարբ գետի հովիտ, Արփա, Եղեգիս, Եղեգնաձոր)։ Հայաստանից բացի, աճում է նաև Նախիջևանում, Հարավային և Արևելյան Անատոլիայում, Սիրիական անապատում, Հյուսիսային Իրանում[1]։
Էկոլոգիա խմբագրել
Աճում է միջին լեռնային գոտում՝ ծովի մակարդակից 1200-1600 մ բարձրության վրա, խճաքարոտ և ավազային թափվածքների վրա։ Ծաղկում է մայիս-հունիս ամիսներին, պտղաբերում՝ հունիս-հուլիս ամիսներին[1]։
Պահպանություն խմբագրել
Խոցելի տեսակ է։ Տարածման և բնակության շրջանների մակերեսը պակաս է 500 քառ․ կմ-ից։ Նկատի ունենալով, որ տեսակի հիմնական տարածման շրջանը գտնվում է Հայաստանից դուրս, սպառնալիքի կատեգորիան իջեցվել է։ Ընդգրկված չէ Հայաստանի Կարմիր գրքի առաջին հրատարակության մեջ, CITES-ի և Բեռնի կոնվենցիաների հավելվածներում[1]։
Պահպանություն չի իրականացվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Զանգակ ազգակից» հոդվածին։ |