Եֆիմ Ուդալցով
Եֆիմ Ուդալցով Գրիգորևիչ (սեպտեմբերի 28, 1922, գյուղ Նիկիտինո (այժմ՝ Ֆիոլետովո, ՀԽՍՀ Գուգարքի շրջանում) - 1973, Թբիլիսի), Խորհրդային Միության հերոս, օդաչու, մայոր։ ԽՄԿԿ անդամ 1944 թվականից։
| Եֆիմ Ուդալցով | |
|---|---|
 | |
| Ծնվել է | սեպտեմբերի 28, 1922 |
| Ծննդավայր | Լոռու մարզ, Հայաստան |
| Մահացել է | դեկտեմբերի 7, 1973 (51 տարեկան) |
| Մահվան վայր | Մոսկվայի մարզ, ՌԽՖՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Եյսկի բարձրագույն ավիացիոն օդաչուական ուսումնարան |
| Մասնագիտություն | օդաչու |
| Կուսակցություն | ԽՄԿԿ |
| Պարգևներ և մրցանակներ |        և  |
Կենսագրություն խմբագրել
Ավարտելով Եյսկի ավիացիոն ուսումնարանը՝ 1943 թվականի հուլիսից 47-րդ գրոհային ավիագնդի կազմում Ուդալցովը մասնակցել է Հայրենական մեծ պատերազմին, աչքի ընկել Սև և Բալթիկ ծովերի շրջաններում կատարած մարտական թռիչքների ժամանակ։
Նովոռոսիյսկի, Ղրիմի, Կարելական պարանոցի, Լենինգրադի, Մերձբալթիկայի համար մղված օդային մարտերում ցուցաբերած խիզախության և արիության համար ներկայացվել է հերոսի կոչման (1944 թվականի դեկտեմբերի 13-ին պարգևաթերթիկը ստորագրել է ավիագնդի հրամանատար Ն․ Ստեփանյանը)։
105 մարտական թռիչքներում ոչնչացրել է թշնամու 4 ինքնաթիռ, 6 տանկ, 20 նավ, տասնյակ ավտոմեքենաներ, վագոններ և այլն։
1947 թվականին զորացրվել է, աշխատել Վրացական ԽՍՀ քաղաքացիական ավիացիայի վարչությունում։ Զոհվել է ավիավթարի հետևանքով։
Պարգևներ խմբագրել
Պարգևատրվել է Լենինի, Կարմիր դրոշի 2, Հայրենական պատերազմի 1-ին աստիճանի և «Պատվո նշան» շքանշաններով։
Գրականություն խմբագրել
- Герои битвы за Кавказ. — Цхинвали, 1975.
- Герои Советского Союза Военно-Морского Флота. 1937—1945.: Воениздат, 1977.
- Книга о героях. — Ереван, 1985.
- Цкитишвили К. В., Чинчилакашвили Т. Г. Герои Советского Союза из Грузии. — Тбилиси, 1981.
- Макаренков В. Время неумолимо летит вперёд. — Книга Памяти Республики Коми. — 2004. — Т. 10. — С. 754.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|