Երևանի 2800-ամյակին նվիրված հուշարձան

Երևանի 2800-ամյակին նվիրված հուշարձան, հուշարձան-աղբյուր Երևանի Շենգավիթ վարչական շրջանում՝ Արթուր Կարապետյանի անվան պուրակում։ Տեղադրվել է 2018 թվականին՝ Երևանի հիմնադրման 2800-ամյակի առթիվ։

Երևանի 2800-ամյակին նվիրված հուշարձան
Երևանի 2800-ամյակին նվիրված հուշարձանը
Ընդհանուր տեղեկություններ
Համայնք	Շենգավիթ
Գտնվում է	Արթուր Կարապետյանի անվան պուրակ
Քանդակագործ(ներ)	Մհեր Սիմոնյան
Ճարտարապետ(ներ)	Տիգրան Բարսեղյան
Շինարարության ավարտ	2018
Ներկա վիճակ	կանգուն

Նկարագրություն

Կյանքի ու կենսատվության խորհրդանիշ հուշարձան-աղբյուրը ներկայացնում է հազարամյակների պատմություն ունեցող Երևանի հավերժությունը՝ հասկի ձևով։ Հուշարձանը զարդարում են ուրարտական ժամանակաշրջանին բնորոշ պաշտպանիչ խորհուրդ ունեցող վիշապատեսք զարդաքանդակները։

Հուշարձանի հանդիսավոր բացումը կատարել են Երևանի քաղաքապետ Հայկ Մարությանը և ճարտարապետ Տիգրան Բարսեղյանը։

Այս հուշարձանը, բացի նրանից, որ արվեստի գործ է, 2800 տարի անց դառնալու է խորհրդանշական ապացույց մեր ժառանգների համար, որոնք պեղումների միջոցով կգտնեն այն ու կիմանան, որ 2800 տարի առաջ Երևանում ապրել են իրենց պատմությունը հարգող հպարտ և երջանիկ քաղաքացիներ։ Ամենևին էլ պատահական չէ, որ այս հուշակոթողը տեղադրվում է արցախյան ազատամարտի մասնակից Արթուր Կարապետյանի անվան պուրակում։ Փառք ու պատիվ մեր բոլոր հերոս տղաներին, որոնց շնորհիվ այսօր մենք խաղաղ պայմաններում կարողանում ենք վայելել արևոտ այս օրն ու Երևանի տոնը։ - Հայկ Մարության

Հեղինակներ

• Ճարտարապետ՝ Տիգրան Բարսեղյան
• Քանդակագործ՝ Մհեր Սիմոնյան

Պատկերասրահ

• 
• 
• 
• 

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Երևանի 2800-ամյակին նվիրված հուշարձան կատեգորիայում։