Երկարալեզու մեղու
Երկարալեզու մեղու | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Tetralonia macroglossa
|
Երկարալեզու մեղու (լատին․՝ Tetralonia macroglossa), անթոֆորիդների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Նկարագրություն
խմբագրել10-13 մմ երկարությամբ միջին չափի մեղու է։ Մարմինը խիտ մազածածկով է, փորիկի 2-3-րդ տերգիտների վրա կան խիտ մազերից կազմված բաց գույնի տրամակապեր, էգի 6-րդ տերգիտը սովորաբար ծածկված է շիկակարմիր մազիկներով։ Արուների մարմինը ծածկված է մեջքի վրա ավելի երկար դեղնագորշավուն մազիկներով, երեսկալի գագաթնային եզրը բաց գույնի է, 6-7-րդ տերգիտների կողքերն ատամնավոր են[1]։
Տարածվածություն
խմբագրելՏարածված է Կենտրոնական և Հարավային Եվրոպայում, Անդրկովկասում։ Հայաստանում հայտնի է միայն Երևանի շրջակայքից (հին հավաքներ) և Գեղարքունիքի մարզից (Արեգունի գյուղի շրջակայք)[1]։
Էկոլոգիա
խմբագրելԱպրում են տարբեր տեսակի կիսաանապատներում և չոր լեռնատափաստաններում։
Միայնակ մեղուներ են, թռիչքը հունիս-օգոստոս ամիսներին է, հանդիպում են փիփերթազգիներ, բարդածաղկավորներ ընտանիքներին պատկանող բույսերի ծաղիկների վրա[1]։
Պահպանություն
խմբագրելՇատ փոքր, կտրտված արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Շատ հազվադեպ է հանդիպում, հայտնի են եզակի առանձնյակներ, թվաքանակի փոփոխության միտումները բացահայտված չեն։
Վտանգման հիմնական գործոնները բացահայտված չեն։
Պահպանվում է «Սևան» ազգային պարկում[1]։