Երիցուկ երիցուկանման
| Երիցուկ երիցուկանման | |
.jpg) Երիցուկ երիցուկանման | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Աստղածաղկավորներ (Asterales) |
| Ընտանիք | Աստղածաղկազգիներ (Asteraceae) |
| Ենթաընտանիք | Աստղածաղկայիններ (Asteroideae) |
| Տրիբա | Anthemideae |
| Ցեղ | Երիցուկ (Matricaria) |
| Տեսակ | Երիցուկ երիցուկանման (M. matricarioides) |
| Միջազգային անվանում | |
| Matricaria matricarioides | |
Երիցուկ երիցուկանման (լատին․՝ Matricaria matricarioides), բարդածաղկավորների ընտանիքին պատկանող դեղաբույս[1]։
Նկարագրություն խմբագրել
30սմ բարձրությամբ ուղիղ ճյուղավոր ցողունով և հաճելի բուրմունքով միամյա խոտաբույս է։ Տերևները ցողունագիրկ նստադիր են և կրկնակի կամ եռակի մասնատված։ Ծաղկազամբյուղներում գտնվում են կարճ ծաղկակոթերով խողովակաձև,լեզվակավոր ծաղիկները բացակայող խողովակաձև, կանաչավուն ծաղիկները։ Փաթաթոցի տերևիկները թաղանթային սպիտակ եզրաշերտով են, իսկ հարթ, երկարավուն պտուղները կողավոր սերմնիկներ են[1]։
Տարածվածություն խմբագրել
Աճում են ստորին կամ միջին լեռնային գոտիներում, գետափերին, բնակավայրերի հարևանությամբ, ճանապարհների եզրին և աղբավայրերում։ Հանդիպում է Շիրակի, Լոռու, Տավուշի, Արագածոտնի, Գեղարքունիքի, Վայոց ձորի, Սյունիքի, Արարատի և Արմավիրի մարզերում[1]։
Նշանակություն խմբագրել
Ծաղկաբույլերը օգտագործվում են բուժական նպատակով։ Թուրը կիրառվում է որպես սպազմալիտիկ, քրտնաբեր և հանգստացնող միջոց[1]։