Երիտասարդության համերաշխության միջազգային օր
«Երիտասարդության համերաշխության միջազգային օր», միջազգային երիտասարդական օր, որը նշվում է ամբողջ աշխարհում ամեն տարի՝ ապրիլի 24-ին։ Երիտասարդության համերաշխության օրը ոչ աշխատանքային օր չէ, եթե չի համընկնում ազատ օրվա հետ։
«Երիտասարդության համերաշխության միջազգային օր» անցկացնելու նախաձեռնությունը պատկանում է Ժողովրդավարական երիտասարդության համաշխարհային ֆեդերացիային, որը միջազգային ձախակողմյան երիտասարդական կազմակերպություն է։ Ըստ կազմակերպիչների՝ այս օրը պետք է ծառայի միջազգային հանրության և աշխարհի բոլոր երկրների քաղաքական գործիչների ուշադրությունը երիտասարդության սոցիալական պաշտպանության խնդիրներին, երիտասարդական քաղաքականության ստեղծման և վարման անհրաժեշտության, կրթություն ստանալու հարցում օգնության, ինչպես նաև մշակութային կրթության և երիտասարդության ժամանցի խնդիրների լուծման վրա սևեռելուն[1]։
Այս միջազգային օրվա համար ընտրվել է այն ամսաթիվը, որ օրը 1955 թվականին տեղի է ունեցել Ասիայի և Աֆրիկայի երկրների Բանդունգի համաժողովի եզրափակիչ հանդիպումը։ Առաջին անգամ «Երիտասարդության համերաշխության միջազգային օրը» նշվել է 1957 թվականին, այնուհետև այն անվանվել է «Երիտասարդության համերաշխության միջազգային օր՝ ընդդեմ գաղութարարության դեմ պայքարի, հանուն խաղաղ գոյակցության», բայց ժամանակի ընթացքում սկզբնական անունից մնացել են միայն առաջին չորս բառերը[2][3]։
Երիտասարդության համերաշխության միջազգային օրն անցկացվել են երիտասարդական համագումարներ, կազմակերպվել են համերգներ, անցկացվել տոնական միջոցառումներ։ ԽՍՀՄ փլուզումից հետո, երբ այս միջազգային օրը զրկվել է իր գլխավոր հովանավորից, «Երիտասարդության համերաշխության միջազգային օրվա» տոնակատարությունը, նախորդ ժամանակների համեմատությամբ, գործնականում դադարել է։ Ներկայում այդ ամսաթիվը նշվում է հազվադեպ, սովորաբար կոմունիստական կուսակցությունների աջակցությամբ։
Տես նաև խմբագրել
Ծանոթագրություններ խմբագրել
- ↑ Международный день солидарности молодежи — 24 апреля. История и особенности праздника в проекте Календарь Праздников 2010
- ↑ «24 апреля — Международный день солидарности молодежи». Արխիվացված է օրիգինալից 2009 թ․ ապրիլի 27-ին. Վերցված է 2020 թ․ օգոստոսի 12-ին.
- ↑ Письмо в редакцию. «Международный день солидарности молодежи» — KPRF.RU
Արտաքին հղումներ խմբագրել
- 24 апреля — Международный день солидарности молодежи Արխիվացված 2009-04-27 Wayback Machine (ռուս.)