Եվրոպական միության պատվիրակությունը Հայաստանում
Եվրոպական միության պատվիրակությունը Հայաստանում, հանդիսանում է Եվրոպական Միության դիվանագիտական առաքելությունը Հայաստանում։ Ընկերության գլխամասային գրասենյակը գտնվում է Հայաստանի մայրաքաղաք Երևանում[1]։
| Եվրոպական միության պատվիրակությունը Հայաստանում | |
|---|---|
 | |
| Տեսակ | Դիվանագիտական ներկայացուցչություն |
| Երկիր |  Հայաստան |
Պատմություն խմբագրել
Հայաստանում Եվրոպական միության ներկայացուցչությունը ստեղծվել է 2012 թվականի փետրվարի 21-ին Հայաստան-Եվրոպական Միություն հարաբերություններին աջակցելու նպատակով և պաշտոնապես ներկայացնում է ԵՄ-ն Հայաստանում։ 2019 թվականի սեպտեմբերի 17-ից Հայաստանում ԵՄ պատվիրակության դեսպանն է Անդրեա Վիկտորինը[2]։
Գործառույթներ խմբագրել
ԵՄ պատվիրակությունը պատասխանատու է ԵՄ-Հայաստան հարաբերությունների հետագա զարգացման համար, այդ թվում ՝ առևտրի, տնտեսական և քաղաքական հարաբերությունների ոլորտներում։ Պատվիրակությունը ձգտում է առաջ մղել ԵՄ հիմնական արժեքները Հայաստանում մարդու իրավունքների, օրենքի գերակայության և ժողովրդավարության ոլորտներում՝ միաժամանակ ստեղծելով ցանցեր և գործընկերություններ և աջակցելով քաղաքացիական հասարակությանը։ Բացի այդ, պատվիրակություններին հանձնարարվել է իրականացնել ՀՀ-ԵՄ Համապարփակ և ընդլայնված գործընկերության համաձայնագրի իրականացման մոնիթորինգ և ապահովում[3]։
Պատվիրակությունը կազմակերպում է ՀՀ կառավարության ներկայացուցիչների հանդիպումները ԵՄ բարձրաստիճան պաշտոնյաների, այդ թվում՝ Եվրոպական խորհրդի և Եվրոպական հանձնաժողովի ղեկավարների հետ[4]։
Պատվիրակությունն աջակցել է Հայաստանում Եվրոպական բիզնես ասոցիացիայի ստեղծմանը[5]։
Պատվիրակությունը Եվրոպայի օրվա կապակցությամբ Ամեն տարի տարբեր միջոցառումներ է ծրագրում և անցկացնում Հայաստանի ողջ տարածքում[6]։ TՊատվիրակությունն աջակցում է տեղական բարեգործական կազմակերպություններին և ՀԿ-ներին, ինչպիսին է Հայաստան ծառատունկ ծրագիրը[7]։ Պատվիրակությունը կազմակերպում է նաև երիտասարդական, կրթական և մշակութային միջոցառումներ, գործարար համաժողովներ և անցկացնում տեղեկատվական սեմինարներ Erasmus և Horizon Europe ծրագրով հետաքրքրված ուսանողների համար։ 2014 թվականին պատվիրակությունը օգնել է AEGEE-Երևան-ին պլանավորել մոդելային ուսանողական կոնֆերանսը[8][9]։
2018 թվականի նոյեմբերին պատվիրակությունը կազմակերպել էր միջոցառում Հայաստանում Եվրոպայի երիտասարդ դեսպանների համար։ Քննարկվել են ԵՄ-ում հայ երիտասարդներին ներգրավելու նախաձեռնությունները[10]։
Դեսպաններ խմբագրել
Հայաստանում ԵՄ դեսպանները՝
Թրաիան Հրիստեա (2011-2015)
Պյոտր Սվիտալսկի (2015-2019)
Անդրեա Վիկտորին (2019-ներկա)
Տես նաև խմբագրել
Ծանոթագրություններ խմբագրել
- ↑ «European Union - By country». www.mfa.am.
- ↑ «European Union - Bilateral Relations». www.mfa.am. Արխիվացված է օրիգինալից 2023 թ․ փետրվարի 7-ին. Վերցված է 2023 թ․ օգոստոսի 12-ին.
- ↑ «Who we are». www.eeas.europa.eu.
- ↑ LLC, Helix Consulting. «Եվրոպական միության պատվիրակությունը Հայաստանում է». www.panorama.am.
- ↑ «About | European Business Association Armenia». 2016 թ․ ապրիլի 2.
- ↑ «Հայաստանում Եվրոպական միության պատվիրակությունը մեկնարկում է 2021 թ. Եվրոպայի օրվան նվիրված միջոցառումները - EU NEIGHBOURS east». 2021 թ․ մայիսի 14.
- ↑ «Եվրոպական միությունը մեկնարկում է երկու ծրագիր՝ ուղղված Հայաստանում շրջակա միջավայրի պաշտպանության բարելավմանը - EU NEIGHBOURS east». 2021 թ․ մարտի 26.
- ↑ MօESCS, R. A. «ESCS Minister receives Head of the EU Delegation to Armenia Andrea Victorin». RA MօESCS.
- ↑ «The exhibition "Europe in Armenia" took place». eenarmenia.am.
- ↑ «44 երիտասարդ Հայաստանից՝ երիտասարդ եվրոպացի դեսպան | Առավոտ - Լուրեր Հայաստանից».