Եկատերինա Բահաթուր
Եկատերինա Բահաթուր (Եկատերինա Բեգլարի Բահաթրյան, հուլիսի 14, 1870, Ստեփանակերտ, Շուշիի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - նոյեմբերի 9, 1944, Երևան, Հայկական ԽՍՀ, ԽՍՀՄ), հայ դրամատուրգ։
Եկատերինա Բահաթուր | |
---|---|
Ծնվել է | հուլիսի 14, 1870 |
Ծննդավայր | Խանքենդ |
Վախճանվել է | նոյեմբերի 9, 1944 (74 տարեկան) |
Վախճանի վայր | Երևան, Հայկական ԽՍՀ, ԽՍՀՄ |
Մասնագիտություն | դրամատուրգ |
Քաղաքացիություն | Հայաստան |
Կենսագրություն խմբագրել
Եկատերինա Բահաթուրը ծնվել է Արցախի Խանքենդ գյուղում (այժմ՝ Ստեփանակերտ)։ Սովորել է Շուշիի ռուսական, այնուհետև՝ Մարիամյան դպրոցներում։ 1900 թվականին տեղափոխվել է Բաքու։
1905 թվականին «Մուրճ» ամսագրում լույս է տեսել Բահաթուրի «Մռայլ օրեր» առաջին ակնարկը։ Բահաթուրի դրամատիկական լավագույն գործերից են «Կամքի եղերգը», «Արա և Շամիրամ»-ը (1915)։
Հարավային Կովկասում խորհրդային իշխանության հաղթանակից հետո գրել է պատմա-հեղափոխական թեմայով «Արտավազդ» (հրատարակվել է 1923 թվականին) հերոսական դրաման, որը բեմադրվել է Ալեքսանդրապոլում, Բաքվում, Թիֆլիսում և այլուր։ «Դիվան» դրամայում արտացոլված է հայ բանվորների ու գյուղացիների պայքարը նորաստեղծ պետության ամրապնդման համար (բեմադրվել է 1930 թվականին, Թիֆլիսում)։ Հեղինակել է նաև «Թոնդրակեցիներ» դրաման, որտեղ նկարագրել է հայ ազգի պայքարը օտար զավթիչների դեմ[1]։
Գրականություն խմբագրել
- Հայկական համառոտ հանրագիտարան, 1990, հ. 1-ին[2]։
Ծանոթագրություններ խմբագրել
- ↑ «Եկատերինա Բահաթուրի կենսագրությունը avproduction.am կայքում». Արխիվացված է օրիգինալից 2020 թ․ սեպտեմբերի 29-ին. Վերցված է 2020 թ․ մայիսի 14-ին.
- ↑ «Koha online catalog › Entry». haygirk.nla.am. Վերցված է 2018 թ․ մարտի 17-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 247)։ |