Դվնիկ (Դերջանի գավառ)

Անվան այլ կիրառումների համար տե՛ս՝ Դվնիկ (այլ կիրառումներ)

Դվնիկ, գյուղ Արևմտյան Հայաստանում, Էրզրումի վիլայեթի Դերջանի գավառակում։ Գտնվում էր Էրզրում քաղաքից 15-16 կմ արևմուտք։

Գյուղ
Դվնիկ
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Դերջանի գավառակ
Այլ անվանումներ	Դըվնիկ, Դվիկ, Դվին, Դվնինկ, Դունիկ, Թըվնիկ, Թվնիկ, Տիվնիկ, Տվնի, Տվնիկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Դվնիկ (Դերջանի գավառ) (Աշխարհ)

Պատմություն

Գյուղի հայկական թաղերն ավերվել, իսկ հայ բնակչությունը զանգվածային բնաջնջվել է 1915 թվականի Մեծ եղեռնի ժամանակ։ Քչերին հաջողվել է փրկվել կոտորածից և գաղթել այլ երկրներ։

Բնակչություն

1878 թվականին ուներ 70 տուն` 692 բնակչով։ Բնակչության մեծ մասը հայեր էին։ 1913 թվականին հայերը կազմում էին 60 տուն։

Տնտեսություն

Բնակչության հիմնական զբաղմունքը անասնապահությունն ու երկրագործությունն էր։

Պատմամշակութային կառույցներ

Բնակավայրի մոտ է գտնվում Արևմտյան Եփրատի հին կամուրջներից մեկը` Դվնիկի կամուրջը, որը հավանաբար կառուցվել է IV դարում։

Կրթություն

1870-ական թվականներից գյուղում գործում էր հայկական երկսեռ դպրոց։

Գրչություն

Դվնիկում 1587 թվականին Հակոբ Ծաղկողը նկարազարդել է ավետարան, որը ներկայումս գտնվում է Մատենադարանում։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն