Դոնի Ռոստովի երաժշտական կոմեդիայի հայկական թատրոն
Դոնի Ռոստովի երաժշտական կոմեդիայի հայկական թատրոն, հիմնվել է 1919 թվականին, Նոր Նախիջևանում՝ Հայ դերասանական կոոպերատիվ ընկերության անունով (ղեկ․ Հ․ Նանասյան)։ Խաղացանկում՝ դրամաներ և օպերաներ։
 | |
|---|---|
| Տեսակ | թատրոն |
| Երկիր |  Ռուսաստանի Հանրապետություն |
| Գտնվելու վայրը | Դոնի Ռոստով |
| Հիմնադրման ամսաթիվ | 1919 թվական |
| Փակման ամսաթիվ | 1927 թվական |
Կազմ խմբագրել
1920-1921 թվականներին խմբում հանդես են եկել Ց․ Ամերիկյանը, Հայկ Դանզասը, Գ․ Կրասիլնիկյանը, Վանշիրը (Մ․ Համբարձումյան), Գևորգ Չուբարը, Ռ․ Կոտոզյանը, Մ․ Լուսինյանը, Ն․ Ալիխանյանը և ուրիշներ։
Բեմադրություններից են՝ Կալմանի «Սիլվա», «Բայադերա», Լեհարի «Կենսուրախ այրին», Վալենտինովի «Հրո քրմուհին», Երիցյանի «Ուշ լինի, նուշ լինի», Շիրվանզադեի «Պատվի համար», Շեքսպիրի «Օթելլո», Լևոն Շանթի «Հին աստվածներ», Ջակոմետտիի «Ոճրագործի ընտանիքը» և այլն։
Թատրոնն ունեցել է նվագախումբ և երգչախումբ, դիրիժորներ՝ Ի․ Շապոշնիկյան, Ն․ Զաքյան, ռեժիսորներ՝ Խ․ Ֆորին (Հարությունյան), Վանշիր և ուրիշներ։ Թատրոնը հյուրախաղերով հանդես է եկել Երևանում, Գյումրիում, Բաքվում և այլուր։ Փակվել է 1927 թվականին[1]։
Ծանոթագրություններ խմբագրել
- ↑ ՀՀ խմբ․ հանձնաժողով՝ Կ․ Ս․ Խուդավերդյան (գլխ․ խմբ) և ուրիշ, Հայկական համառոտ հանրագիտարան, հ. 2 (ՀՀ գլխ․ խմբ․), Երևան, «Հայկական հանրագիտարանի գլխավոր խմբագրություն», 1995, էջ 58 — 768 էջ. — 10000 հատ, ISBN 5-89700-003-5։