Դանա Մազալովա
Դանա Մազալովա (նոյեմբերի 18, 1954[1], Սվիտավի - սեպտեմբերի 4, 2020, Պրահա, Չեխիա) չեխ լրագրող, իրավապաշտպան, Չեխիայի հեռուստատեսության նախկին խմբագիր, «Երկիր Արարատի տակ» փաստավավերագրական ֆիլմի հեղինակ, եղել է բանախոս Խորհրդային Միությունում[2]։
Դանա Մազալովա չեխ․՝ Dana Mazalová | |
---|---|
Ծնվել է | նոյեմբերի 18, 1954[1] |
Ծննդավայր | Սվիտավի |
Մահացել է | սեպտեմբերի 4, 2020 (65 տարեկան) |
Մահվան վայր | Պրահա, Չեխիա |
Քաղաքացիություն | Չեխիա և Չեխոսլովակիա[1] |
Մասնագիտություն | լրագրող և իրավապաշտպան |
Dana Mazalová Վիքիպահեստում |
Կենսագրություն խմբագրել
Դանա Մազալովան ծնվել է 1954 թվականին Չեխոսլովակիայի Սվիտավի քաղաքում, որտեղից սկիզբ է առել հրեաների դեմ իրականացվող հոլոքոստը։ Նա սովորել է Պրահայի Կարլի համալսարանի իրավագիտության ֆակուլտետում, մասնագիտությամբ՝ լրագրող։
Եղել է չեխական հեռուստատեսության դափնեկիր 1993 թվականին՝ ղարաբաղյան իրադարձությունները լուսաբանելու համար[3]։ Նկարահանել է ռեպորտաժներ Արցախի, Վրաստանի, Կիրգիզստանի, Ուզբեկստանի թեժ կետերում[3]։
Խոջալու դեպքերի վերաբերյալ Ադրբեջանի նախկին նախագահ Այազ Մութալիբովի հետ հայտնի հարցազրուցի հեղինակն է, որը հրապարակվել է «Նեզավիսիմայա գազետա» թերթում, 1992 թվականին[4]։
Մահացել է 2020 թվականի սեպտեմբերի 4-ին։ Պրահայի կենտրոնում գտնվող իր բնակարանը նա կտակել է Արցախին։
Գործունեությունը Հայաստանում և Արցախում խմբագրել
1982 թվականին առաջին անգամ այցելել է Հայաստան և Արցախ։ Նա գրել է բազմաթիվ հոդվածներ և փաստագրական ֆիլմեր է նկարահանել արցախյան ազատամարտի մասին։ «Երկիր Արարատի տակ» փաստավավերագրական ֆիլմի հեղինակ։ Ֆիլմը 1988 թվականի դեկտեմբերին Հայաստանում տեղի ունեցած երկրաշարժի մասին է։ Ֆիլմի ռեժիսորն է Միլան Մառիշկան։
Ծանոթագրություններ խմբագրել
- ↑ 1,0 1,1 1,2 Evidence zájmových osob StB
- ↑ «Дана Мазалова».
- ↑ 3,0 3,1 «Умерла журналистка Дана Мазалова, освещавшая события в Арцахе во время войны». Армянский музей Москвы и культуры наций (ռուսերեն). Վերցված է 2020 թ․ հոկտեմբերի 26-ին.
- ↑ «Дана Мазалова: Правда Ходжалы должна восторжествовать». Новое Время (ռուսերեն). Վերցված է 2020 թ․ հոկտեմբերի 26-ին.