Գրիզելդա Նավասարդյան
- Վիքիպեդիայում կան հոդվածներ Նավասարդյան ազգանունով այլ մարդկանց մասին։
Գրիզելդա Ասատուրի Նավասարդյան (1942, Երևան, Հայկական ԽՍՀ, ԽՍՀՄ), հայ բժիշկ։ Բժշկական գիտությունների թեկնածու (1968), պրոֆեսոր (2005)։
Ծնվել է | 1942 |
---|---|
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Նիկոլ Աղբալյանի անվան թիվ 19 հիմնական դպրոց և Երևանի Մխիթար Հերացու անվան Պետական Բժշկական Համալսարան |
Մասնագիտություն | բժիշկ |
Գիտական աստիճան | բժշկական գիտությունների թեկնածու (1968) և պրոֆեսոր (2005) |
Կենսագրություն
խմբագրելԳրիզելդա Նավասարդյանը ծնվել է 1942 թվականին Երևանում, բժիշկ Ասատուր (Արարատ) Նավասարդյանի ընտանիքում, որը մասնագիտական գործունեություն է իրականացրել մարզային բժշկական հաստատություններում, Մասիսի, Էջմիածնի շրջաններում։ Բժշկի ուղին ընտրել են Ասատուր Նավասարդյանի ընտանիքի չորս երեխաներից երկուսը[1]։ 1959 թվականին ավարտել է Երևանի Ն. Կրուպսկայայի անվան միջնակարգ դպրոցը։ 1959-1965 թվականներին սովորել և ավարտել է Երևանի պետական բժշկական ինստիտուտի բուժական ֆակուլտետը։ 1965 թվականին ընդունվել է ԵրՊԲԻ ախտաֆիզիոլոգիայի ամբիոնին կից ասպիրանտուրա, որն ավարտել է 1968 թվականին[2]։
Աշխատանքային գործունեություն
խմբագրել1968-1981 թվականներին ԵրՊԲԻ ախտաֆիզիոլոգիայի ամբիոնում եղել է որպես ասիստենտ, ավագ գիտաշխատող, 1981 թվականից՝ դոցենտ, 1975 թվականին՝ ավագ գիտաշխատող, 1982 թվականին՝ դոցենտ, 2005 թվականին՝ պրոֆեսոր։ 1988-1994 թվականներին միաժամանակ եղել է բժշկական համալսարանի արտասահմանցի ուսանողների դեկան, 1994-2005 թվականներին՝ ախտաֆիզիոլոգիայի ամբիոնի վարիչ, 2005 թվականից՝ ախտաֆիզիոլոգիայի ամբիոնի պրոֆեսոր։ Մեծ ճանաչում ունեն Գրիզելդա Նավասարդյանի տարբեր պայմաններում օրգանիզմի մահացման և վերակենդանացման հիմնախնդիրներին, փորձարարական սակավաշարժության պայմաններում զարգացող վարքային-իմացական տեղաշարժերի, ծերություն և սակավաշարժություն հարաբերակցության ախտաֆիզիոլոգիական մեխանիզմների վերահանմանը, նոզոլոգիայի հիմնադրույթներում միջնադարյան հայ փիլիսոփաների և բժիշկների ավանդին վերաբերող աշխատանքները[2]։ Մասնակցել է բազմաթիվ տեղական և միջազգային գիտաժողովների, հանդես եկել զեկուցումներով[2]։ Բազմաթիվ գիտական հրապարակումների, ուսումնամեթոդական հոդվածների, ձեռնարկների, ախտաֆիզիոլոգիայի դասագրքերի հեղինակ է[3]։ Մեծ է Գրիզելդա Նավասարդյանի ներդրումը Բոլոնիայի գործընթացի[4] շրջանակում բարձրագույն կրթության որակի եվրոպական չափայնության հավաստման, ուղեցույցների մշակման և ներդրման գործում[2][5]։
Անդամակցություն
խմբագրել- Հայաստանի ախտաֆիզիոլոգների և ախտաբանների ընկերակցության հիմնադիր և նախագահ
- Էկոլոգիայի և Կենսագործունեության միջազգային ակադեմիայի (Նյու-Յորք, Սանկտ-Պետերբուրգ) իսկական անդամ
- Ախտաֆիզիոլոգիայի միջազգային ընկերության գործադիր խորհրդի, դասավանդման տեխնոլոգիաների հանձնաժողովի անդամ
- Ուկրաինայի ախտաֆիզիոլոգների ընկերակցության վարչության պատվավոր անդամ, 2012 թ., նոյեմբեր
- ԵՊԲՀ միջազգային հավատարմագրման փորձագիտական հանձնաժողովի, կարգապահական կոմիտեի անդամ
- «Բժշկություն, գիտություն և կրթություն» ամսագրի խորհրդի անդամ
Պարգևներ
խմբագրել- Չեխոսլովակիայի, Լեհաստանի, Հունգարիայի բժշկական համալսարանների մեդալներ
- ՌԴ բժշկական ակադեմիայի Ա. Սպերանսկու անվան մեդալ ախտաֆիզիոլոգիայի ասպարեզում գիտամանկավարժական ավանդի, հայ-ռուսական համագործակցության ամրապնդման համար, 2007
Երկեր
խմբագրել- «Երկխոսություններ ախտաֆիզիոլոգիայի հարցերի շուրջ»[6], հայերեն, 1995
- «Ընդհանուր ախտաֆիզիոլոգիա» բուհական դասագիրք
Ծանոթագրություններ
խմբագրել- ↑ ԵՊԲՀ, Ախտաֆիզիոլոգիան բժշկության տրամաբանությունն է, մայրենին
- ↑ 2,0 2,1 2,2 2,3 Գրիզելդա Ասատուրի Նավասարդյան
- ↑ Նավասարդյան, Գրիզելդա Ասատուրի, Հայ գիրք
- ↑ ««Կրթության եռաստիճան համակարգը Բոլոնիայի գործընթացի շրջանակներում»». Արխիվացված է օրիգինալից 2018 թ․ հոկտեմբերի 2-ին. Վերցված է 2018 թ․ օգոստոսի 1-ին.
- ↑ «Kinetic Foundation for Armenian Retrospection». archive.li. 2006 թ․ ապրիլի 17. Արխիվացված է օրիգինալից 2006 թ․ ապրիլի 17-ին. Վերցված է 2018 թ․ օգոստոսի 1-ին.
- ↑ Երկխոսություններ ախտաֆիզիոլոգիայի հարցերի շուրջ