Գրիգորի Կուսիկյանց
Գրիգորի Ֆիլիպի Կուսիկյանց (մարտի 12, 1915, Արմավիր, Կուբանի մարզ, Ռուսական կայսրություն - դեկտեմբերի 20, 2002, Սանկտ Պետերբուրգ, Ռուսաստան), բռնցքամարտի խորհրդային մարզիչ։ ԽՍՀՄ վաստակավոր մարզիչ (1964)։ Համամիութենական կարգի դատավոր։
| Գրիգորի Կուսիկյանց | ||
|---|---|---|
| Անձնական տեղեկություն | ||
| Սեռ՝ | արական | |
| Մասնագիտացում՝ | մարզիչ | |
| Երկիր՝ |  ԽՍՀՄ և  Հայաստան | |
| Ծննդյան ամսաթիվ՝ | մարտի 12, 1915 | |
| Ծննդավայր՝ | Արմավիր, Կուբանի մարզ, Ռուսական կայսրություն | |
| Մահվան ամսաթիվ՝ | դեկտեմբերի 20, 2002 (87 տարեկան) | |
| Մահվան վայր՝ | Սանկտ Պետերբուրգ, Ռուսաստան | |
Պարգևներ  | ||
Կենսագրություն
խմբագրելԳրիգորի Կուսիկյանցը ծնվել է 1915 թվականի մարտի 12-ին Արմավիրում[Նշում 1][1]։ 1933 թվականին, երբ ընտանիքը տեղափոխվել է Լենինգրադ, նա զբաղվել է բռնցքամարտով և դարձել առաջին կարգի մարզիկ։ Ավարտել է Պ․ Ֆ․ Լեսգաֆտի ֆիզիկական կուլտուրայի պետական ինստիտուտը։ 1941 թվականին՝ Հայրենական մեծ պատերազմի սկզբում, կամավոր մեկնել է ռազմաճակատ, ծառայել Գորելովոյի օդանավակայանում որպես անվտանգության պետ։ Օդանավակայանի ռմբակոծության ժամանակ արկի հարվածից ստացած կոնտուզիայից հետո եղել է ներքին գործերի նախարարության նախազորակոչային ռազմական նախապատրաստության բաժնի ղեկավար։
1945 թվականից աշխատել է որպես մարզիչ։ 1961-1973 թվականներին եղել է «Դինամո» մանկապատանեկան սպորտային ընկերության կենտրոնական խորհրդի ազգային հավաքականի գլխավոր մարզիչը, 1961-1967 թվականներին՝ ԽՍՀՄ հավաքականի մարզչական շտաբի անդամ։ Մարզել է ԽՍՀՄ առաջնության մրցանակակիրներ Ալեքսեյ Պիչուգինին, Բորիս Օպուկին, Լեոնիդ Պիվովարովին, Վիկտոր Եգորովին, ԽՍՀՄ չեմպիոններ Ռոման Կարիստեին և Յուրի Կոնոպլյովին։ Գրիգորի Կուսիկյանցի ամենահայտնի սաներից է եղել օլիմպիական չեմպիոն, Վել Բարկերի գավաթակիր Վալերի Պոպենչենկոն։
Գրիգորի Կուսիկյանցը մահացել է 2002 թվականի դեկտեմբերի 20-ին Սանկտ Պետերբուրգում։ Թաղված է Սերաֆիմովսկոյե գերեզմանատանը։
Հիշատակ
խմբագրել- 2003 թվականից Սանկտ Պետերբուրգում ամեն տարի անցկացվում է բռնցքամարտի մրցաշար նվիրված Գրիգորի Կուսիկյանցի հիշատակին։
- Կրասնոգվարդեյսկայա մանկապատանեկան մարզադպրոցի բազայի վրա ստեղծվել է Գրիգորի Կուսիկյանցի անվան բռնցքամարտի «Օլիմպ» ակումբը[2]։
- Գրիգորի Կուսիկյանցի անունը հավերժացվել է Սանկտ Պետերբուրգի Կրասնոսելսկի շրջանում գտնվող սպորտի աստղերի փառքի ծառուղում։
Նշումներ
խմբագրել- ↑ В некоторых источниках в качестве места рождения указан Петроград
Ծանոթագրություններ
խմբագրել- ↑ «Кусикьянц Григорий Филиппович». Արխիվացված է օրիգինալից 2021 թ․ օգոստոսի 28-ին. Վերցված է 2021 թ․ օգոստոսի 28-ին.
- ↑ «Боксеры помнят и чтут Филиппыча». Արխիվացված է օրիգինալից 2021 թ․ օգոստոսի 28-ին. Վերցված է 2021 թ․ օգոստոսի 28-ին.