Գուիդոբալդո դա Մոնտեֆելտրոյի դիմանկար
Գուիդոբալդո դա Մոնտեֆելտրոյի դիմանկար (իտալ.՝ Ritratto di Guidobaldo da Montefeltro), ուրբինցի դուքս (իտալ. Ducato di Urbino) Գվիդոբալդո դա Մոնտեֆելտրոյի դիմանկարը, որը նկարել է Ռաֆայել Սանտին մոտ 1506 թվականին։
 | |
|---|---|
 | |
| տեսակ | գեղանկար |
| նկարիչ | Ռաֆայել Սանտի |
| տարի | 1506 |
| բարձրություն | 71 սանտիմետր |
| լայնություն | 50 սանտիմետր |
| ուղղություն | Բարձր վերածնունդ |
| ժանր | դիմապատկեր |
| նյութ | յուղաներկ և փայտե տախտակ |
| գտնվում է | Ուֆֆիցի |
| հավաքածու | Ուֆֆիցի |
| հիմնական թեմա | Գվիդոբալդո դա Մոնտեֆելտրո |
պատկերված են
| |
| կայք | |
Ծանոթագրություններ | |
 Portrait of Guidobaldo da Montefeltro by Raphael Վիքիպահեստում | |
Պատմություն
խմբագրելԳուիդոբալդոյի դիմանկարը հարաբերակից է Ռաֆայելի մյուս՝ «Ելիզավետա Գոնզագայի դիմանկարին», որը ստեղծվել է գրեթե նույն ժամանակաշրջանում։ Դիմանկարի առաջին հավաստի հիշատակումը վերաբերում է 1623 թվականին։ Բացի այդ, ենթադրվում է, որ դրա մասին Պիետրո Բեմբոն խոսում է կարդինալ Բիբբիեննային 1510 թվականի ապրիլի 19-ին հղած նամակում[1]։
Գուիդոբալդո դա Մոնտեֆելտրոյի դիմանկարը պահվում էր Ուրբինոյի դուքսերի պալատում, որից հետո տեղափոխվում է Պեզարո։ 1631 թվականին նկարը Ֆլորենցիա են տեղափոխել՝ որպես Ուրբինյան դքսերի գեղարվեստական հավաքածուի մաս։ Այն եղել էր Ֆերդինանդո Մեդիչիի կնոջ և Ուրբինոյի վերջին դուքսի դստեր՝ Վիտտորիա դելլա Ռովերի ժառանգությունը[2]։
Ավելի վաղ դիմանկարը վերագրվում էր այլ նկարիչների, օրինակ՝ Ֆրանչեսկո Ֆրանչային, բայց 20-րդ դարի սկզբին այն նույնականացվել էր որպես Ռաֆայել Սանտիի ստեղծագործություն։ Ներկայումս «Ելիզավետա Գոնզագայի դիմանկարը» և «Գուիդոբալդոյի դիմանկարը» կողք կողքի ցուցադրվում են Ուֆֆիցի պատկերասրահում։
Նկարագրություն
խմբագրելԳուիդոբալդո Մոնտեֆելտրոն պատկերված է նկարի կենտրոնում։ Նա գտնվում է մութ սենյակում, որի աջ լուսամուտը բացված է և երևում է լեռնային բնանկար։ Դուքսը սևազգեստ է, գլխին վանականի նեղ գլխարկ է և արծաթագույն կարով թիկնոց։ Գուիդոբալդոյի կեցվածքը բնորոշ չէ Վերածննդի դարաշրջանի գեղանկարչությանը, ինչն էլ պատճառ է եղել, որ արվեստագետները երկար ժամանակ նկարը չէին վերագրում Ռաֆայելի վրձնին[1]։
Ծանոթագրություններ
խմբագրելԱրտաքին հղումներ
խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռաֆայել Սանտի կատեգորիայում։ |