Գոլենիշչև-Կուտուզովի տուն
Գոլենիշչև-Կուտուզովի տուն (ռուս.՝ Дом Голенищева-Кутузова), ճարտարապետական հուշարձան Ռուսաստանի Սանկտ Պետերբուրգ քաղաքում։ Այս առանձնատունը կառուցվել է 1822 թվականին անվանի ճարտարապետ Կարլ Ռոսսիի նախագծով[2]՝ Սանկտ Պետերբուրգի ռազմական գեներալ-նահանգապետ Պավել Վասիլևիչ Գոլենիշչև-Կուտուզովի համար[3]։
 | |
|---|---|
 | |
| Տեսակ | մեծ առանձնատուն |
| Երկիր |  Ռուսաստան |
| Տեղագրություն | Սանկտ Պետերբուրգ |
| Հիմնադրված է | 1822 |
| Ժառանգության կարգավիճակ | Ռուսաստանի դաշնային մշակութային ժառանգության օբյեկտ[1] |
 | |
 | |
Գոլենիշչև-Կուտուզովի տան հասցեն՝ ք. Սանկտ Պետերբուրգ, Արվեստների հրապարակ, տուն 3։
Ճարտարապետական առանձնահատկություններ խմբագրել
Շենքն ունի 3 հարկ, որոնց ճակատը ձևավորված է օրդերով։ Առաջին հարկը շարված է կոպտատատաշ քարով։ Վերին հարկին վերնակառուցված է ատտիկոս[4]։
Շենքի ներսույթը մասամբ փոխվել է 1843 թվականին (ճարտարապետ՝ Գ. Յ. Բոսսե), ինչպես նաև 20-րդ դարի սկզբին, սակայն սկզբնական տեսքով մինչև մեր օրերը մեծ մասամբ չի պահպանվել[4]։ Որոշ սենյակներ զարդարված են ծեփվածքով, տեղ-տեղ առկա են բուխարիներ[5]։
Պատմություն խմբագրել
1833-1835 թվականներին տունը պատկանել է անվանի պատմաբան, գրող, հրապարակախոս Նիկոլայ Կարամզինի կնոջը՝ Եկատերինա Անդրեևնա Կարամզինային։
1833-1837 թվականներին առանձնատանն ապրել են հայտնի երաժիշտներ Միխայիլ և Մատվեյ Վիելգորսկի եղբայրները։
Այդ տարիներին Ալեքսանդր Պուշկինը հաճախ էր հյուրընկալվում Վիելգորսկիների և Կարամզինայի տներում[6]։
1924-1939 թվականներին տանն ապրում էր նկարիչ Իսահակ Իզրաիլևիչ Բրոդսկին, ինչի մասին հիշեցնում է տան պատին փակցված հուշատախտակը։ 1949 թվականին առանձնատանը կազմակերպվեց հայտնի նկարչի թանգարան-բնակարանը, որի ցուցադրության մի մասը հենց Իսահակ Իզրաիլևիչի գործերն են, մյուս մասը՝ ռուս այլ նկարիչների[7]։
Ծանոթագրություններ խմբագրել
- ↑ Постановление Правительства РФ № 527 от 10.07.2001
- ↑ Тарановская М. З. Карл Росси. — Л., 1978. — С. 108 — 128.
- ↑ Санкт-Петербург: Энциклопедия. — М.: Российская политическая энциклопедия, 2006. — С. 325-326, 525.
- ↑ 4,0 4,1 «Голенищева-Кутузова дом». Электронная Энциклопедия Санкт-Петербург. Վերցված է 2011 թ․ փետրվարի 11-ին.
- ↑ «Дом Голенищева-Кутузова». CITYWALLS. Արխիվացված է օրիգինալից 2012 թ․ հուլիսի 15-ին. Վերցված է 2011 թ․ փետրվարի 11-ին.
- ↑ Яцевич А.Г. Пушкинский Петербург. — СПб., 1993. — С. 202 — 219.
- ↑ «Научно-исследовательский музей Российской Академии художеств. Музей-квартира И. И. Бродского». nimrah.ru. Արխիվացված է օրիգինալից 2012 թ․ հունվարի 29-ին. Վերցված է 2011 թ․ հունվարի 10-ին.
Գրականություն խմբագրել
- Яцевич А.Г. Пушкинский Петербург. — СПб., 1993. — С. 202 — 219.
- Тарановская М. З. Карл Росси. — Л., 1978. — С. 108 — 128.
- Санкт-Петербург: Энциклопедия. — М.: Российская политическая энциклопедия, 2006. — С. 325-326, 525.