Տիրուհի Գոդիվա

Տիրուհի Գոդիվա; Lady Godiva
Ծնվել է	անհայտ; Մերսիա
Մահացել է	ոչ վաղ քան 1066 և ոչ ուշ քան 1086; Անգլիայի թագավորություն
Գերեզման	Կովենտրի
Քաղաքացիություն	Անգլիայի թագավորություն
Տիրապետում է լեզուներին	հին անգլերեն
Ամուսին(ներ)	Leofric, Earl of Mercia?
Երեխա(ներ)	Ælfgar?
	Lady Godiva Վիքիպահեստում

Տիրուհի Գոդիվա (անգլ.՝ Lady Godiva, անհայտ, Մերսիա^[1] - ոչ վաղ քան 1066 և ոչ ուշ քան 1086, Անգլիայի թագավորություն), անգլոսաքսոնյան կոմսուհի։

Մերսերի կոմս և Կովենտրիի տեր Լեոֆրիկի կինը։

Լեգենդների համաձայն Գոդիվան մերկ, ձիու վրա նստած շրջել է Կովենտրի քաղաքով, որպեսզի Լեոֆրիկը նվազեցնի հարկերը իր հպատակների համար։ Պատմագիր Ֆլորենս Վորչեստերցին գրում է Գոդիվայի և Լեոֆրիկի մասին, սակայն չի հիշատակում Գոդիվայի հայտնի շրջանցը։ Գոյություն չունեն վստահելի պատմական հիշատակություններ, որոնք կհաստատեին այդ լեգենդի փաստացի իսկությունը^[5]։

Պատմական անձ խմբագրել

Տիրուհի Գոդիվայի մասին վկայող պատմական աղբյուրները բավականին սուղ են։

1043 թվականին կոմսն ու կոմսուհին Սուրբ Օսբուրգի կուսանոցի տարածքում բենեդիկտյան վանատուն են հիմնադրում՝ վանահոր և քսանչորս վանականների համար։ Վանատունը օծվում է Քենթերբերիի արքեպիսկոպոս Էդսի կողմից և նվիրվում է Աստծուն, Աստվածամորը և բոլոր սրբերին։ 1016 թվականին այն ավերվում է դանիացիների կողմից։

Oծման ավարտին Լեոֆրիկին են անցնում 24 շրջակա գյուղերը՝ վանատան ծախսերը հոգալու համար։ Տիրուհի Գոդիվան բազմաթիվ ընծաներ է շնորհում վանքին ի պատիվ Կույս Մարիամի։ Նա հրամայում է հալեցնել իր բոլոր արծաթե և ոսկե զարդերը՝ վերածելով դրանք խաչերի և սրբապատկերների։

Լեոֆրիկը մահանում է 1057 թվականին։ Նրա մարմինը հուղարկավորվում է Աբի եկեղեցու շքամուտքերից մեկի մոտ։ Տասը տարի անց մահանում է նաև տիրուհի Գոդիվան, ում նույնպես թաղում են այդ եկեղեցում։

Լեգենդ խմբագրել

Լեգենդի մասին պատմող առաջին աղբյուրը եղել է 1057 թվականին Ռոջեր Վենդովերցու ժամանակագրությունը։ Նա գրում է, որ Գոդիվան աղերսում է իր ամուսնուն նվազեցնել Կովենտրիի բնակչության անտանելի հարկերը։ Կնոջ համառությունից հոգնած, Լեոֆրիկը համաձայնվում է կատարել նրա պահանջը, եթե Գոդիվան համաձայնվի մերկ շրջել քաղաքով։ Գոդիվան հաղթահարում է իր ամոթը և համաձայնվում է Լեոֆրիկի պայմաններին։ Նա հրահանգում է Կովենտրիի բնակչությանը դուրս չգալ փողոց և փակել իրենց տների բոլոր դռները ու պատուհանները։ Արձակելով իր երկար մազերը և օգտագործելով դրանք որպես թիկնոց, նա հեծնում է իր ձին և սկսում է իր հայտնի շրջանցը քաղաքով։ Գոդիվան անցնում է դատարկ քաղաքով և բոլորի կողմից աննկատ։ Մարդիկ հնազանդվում են նրա հրահանգին, քանի որ մեծ հարգանք էին տածում իրենց տիրուհու հանդեպ։

Քաղաքի բնակիչներից մեկը, ում անունը Թոմ էր, չի կարողանում զսպել իր գայթակղությունը, բացում է իր տան պատուհանը և նայում է կոմսուհու ուղղությամբ։ Չհասցնելով բավարարել իր հետաքրքրությունը, Թոմը նույն այդ պահին կուրանում է։ Լեգենդում նա մնում է Ծկրակող Թոմ անվան տակ։ Ավարտելով այդ ծանր փորձությունը Գոդիվան վերադառնում է իր ամուսնու մոտ։ Լեոֆրիկը հավատարիմ մնալով իր խոսքին ազատում է Կովենտրիի բնակչությանը բոլոր տեսակի ծանր հարկերից՝ թողնելով միայն ձիերի համար գանձվող տուրքերը։ Էդվարդ I-ի կառավարման ժամանակահատվածից մեզ հասած արձանագրությունները փաստում են, որ այդ ժամանակահատվածում Կովենետրիի բնակչությունից իսկապես հարկեր չէին գանձվում, բացառությամբ ձիերի համար վճարվող տուրքերից։

Լեգենդի մոտիվներով Կովենտրիյում ամեն տարի կազմակերպվում է շքերթ, որի ժամանակ վերարտադրվում է տիրուհի Գոդիվայի կատարած շրջանցը։

Հիշողություն խմբագրել

Կինոցանկ խմբագրել

Տիրուհի Գոդիվա (1911) (անգլ.՝ Lady Godiva), ռեժիսոր` Ջ. Ստյուարթ Բլեկթոն, ԱՄՆ^[6]։
Տիրուհի Գոդիվան Կովենտրիյից (1955) (անգլ.՝ Lady Godiva of Coventry), ռեժիսոր` Արթուր Լյուբին, ԱՄՆ^[7]։
Տիրուհի Գոդիվայի մասին լեգենդը (2004) (ռուս.՝ Легенда о Леди Годиве), ռեժիսոր՝ Իրինա Կոդյուկովա, Բելառուս^[8]։

Պատկերասրահ խմբագրել

Ադամ վան Նորթ, «Տիրուհի Գոդիվա»(1586)
Մարշալ Քլաքսթոն, «Տիրուհի Գոդիվա»(1850)
«Տիրուհի Գոդիվա», Մեյդսթոնի թանգարանի պատկերասրահ
«Տիրուհի Գոդիվա», քանդակ, Հերբերթի թանգարան
Բրոդգեյթի ժամացույց, Կովենտրի
Վիլիամ Սալիվան, «Տիրուհի Գոդիվա»(1877)

Ծանոթագրություններ խմբագրել

[_e1c79bd32617534b-1] 1,0 ^1,1 ^1,2 http://freepages.genealogy.rootsweb.ancestry.com/~dearbornboutwell/fam3882.html

[_7426b4ffb4cdac2e-2] (unspecified title) — doi:10.1093/REF:ODNB/10873

[_fed6616fac01913f-3] Identifiants et Référentiels (ֆր.) — ABES, 2011.

[_49ac8c2c9ee9f437-4] 4,0 ^4,1 Kindred Britain

[5] Ո՞վ էր տիրուհի Գոդիվան

[6] Տիրուհի Գոդիվա (1911) - Internet Movie Database

[7] Տիրուհի Գոդիվան Կովենտրիյից (1955) - Internet Movie Database

[8] Գոդիվայի մասին լեգենդը (2004) - Кинопоиск

[1]

[2]

[3]

[4]

[5]

[6]

[7]

[8]

Տիրուհի Գոդիվա Lady Godiva

Ծնվել է	անհայտ Մերսիա^[1]
Մահացել է	ոչ վաղ քան 1066 և ոչ ուշ քան 1086 Անգլիայի թագավորություն
Գերեզման	Կովենտրի^[2]
Քաղաքացիություն	Անգլիայի թագավորություն
Տիրապետում է լեզուներին	հին անգլերեն^[3]
Ամուսին(ներ)	Leofric, Earl of Mercia?^[4]
Երեխա(ներ)	Ælfgar?^[4]
Lady Godiva Վիքիպահեստում