Գեննադի Սելիգենին

Գեննադի Սելիգենին (ռուս.՝ Геннадий Тарасович Селигенин, հոկտեմբերի 25, 1936(1936-10-25), Մորոզովսկի շրջան, Ռոստովի մարզ, ԽՍՀՄ), ռուս արձակագիր, հրատարակիչ։ Ռուսաստանի գրողների միության անդամ 1988 թվականից, Ռոստովի մասնաճյուղի ամենատարեց անդամը։ «Творчество Дона» և Վ. Բելովի 2011 թվականի համառուսաստանյան գրական մրցանակի դափնեկիր։ Եղել է ԽՄԿԿ անդամ։

Գեննադի Սելիգենին
Ծնվել է	հոկտեմբերի 25, 1936(1936-10-25) (87 տարեկան)
Ծննդավայր	Մորոզովսկի շրջան, Ռոստովի մարզ, ԽՍՀՄ
Քաղաքացիություն	ԽՍՀՄ և  Ռուսաստան
Կրթություն	Ռոստովի պետական համալսարան
Մասնագիտություն	գրող
Կուսակցություն	ԽՄԿԿ
Անդամություն	Ռուսաստանի գրողների միություն

Կենսագրություն

Գեննադի Սելիգենինը ծնվել է Ռոստովի մարզի Մորոզովսկի շրջանում գտնվող Սկաչկի խուտորում։ Գործարանում աշխատել է որպես խառատ, դարբին, բեռնակիր, ատաղձագործ և նույնիսկ շոգեքարշի հնոցապան։ Ավարտել է Ռոստովի համալսարանի պատմա-բանասիրական ֆակուլտետը։ Այնուհետև աշխատել է որպես լրագրող, միաժամանակ՝ աշխատել արտոնագրերի բաժնում։ Աշխատել է խորհրդային մի շարք թերթերում, այնուհետև տարածաշրջանային թերթերում՝ սկսած փոքրատիրաժ թերթերից, եղել «Կրասնոակսաեց» թերթի խմբագիր։ Այնուհետև աշխատել է «Донских войсковых ведомостях»-ում, ալմանախներում, եղել «Կազակների ձայն» ամսագրի գլխավոր խմբագրի տեղակալ։ Ապրում է Դոնի Ռոստով քաղաքում։

Հիմնականում գրում է ժամանակակից թեմաներով։ Հեղինակ է պատմվածքների, իսկ ավելի ուշ՝ «Կապույտ հրեղեն թռչուններով սայլը», «Սանիտարական ժամ», «Կանաչ թագ» և այլ գրքերի։ 2005 թվականին լույս տեսավ «Օսկոլկի» նովելների ժողովածուն։ 2015 թվականին Սելիգենինի աշխատանքներն ընդգրկվել են «Դոնի ոսկե փետուր» կոլեկտիվ ժողովածուում (Շոլոխովի փառատոնի ամփոփ ժողովածուն)։

Գրքեր

• Повозка с голубыми жар-птицами. Повести и рассказы. – М.: изд-во «Современник», 1982.
• Санитарный час. Повести и рассказы. – Ростов-н/Д: Ростиздат, 1987.
• Саваоф в пустыне. Рассказы. – Ростов-н/Д: Ростиздат, 1991.
• Зелёная корона. Повести и рассказы. – Ростов-н/Д, изд-во «Пегас», 2004.
• Осколки. Сборник новелл. – Ростов-н/Д, изд-во «Пегас», 2005.