Գեներալ Կուռնակովի տուն
Գեներալ Կուռնակովի տուն (ռուս.՝ Дом генерала Курнакова), շենք ՌԴ Ռոստովի մարզի Նովոչերկասկ քաղաքի Ատամանսկայա, 28 հասցեում։ Հիշատակվում է բազմաթիվ պատմական փաստաթղթերում և համարվում է քաղաքի տեսարժան վայրերից մեկը[1]։ Այդ տանը նշվել են զինվորական ազնվականության բոլոր կարևոր ու հիշարժան իրադարձությունները[2]։
 | |
|---|---|
 | |
| Տեսակ | տեսարժան վայր |
| Երկիր |  Ռուսաստան |
| Տեղագրություն | Նովոչերկասկ |
| Հիմնադրված է | 1910 |
 | |
 | |
 Արտաքին պատկերներ
| |
|---|---|
|
Գեներալ Կուռնակովի տան լուսանկարներ |
Պատմություն
խմբագրելԳեներալ Սեմյոն Կուռնակովի տունը առաջիններից մեկն է հայտնվել Նովոչերկասկ քաղաքում[1]։ Այն կառուցվել է 1810 թվականին[3], հիշատակվում է 1812 թվականի հունիսի 10-ի փաստաթղթերում, որոնցում ժամանակակիցները նշում են, որ շինությունը լավագույններից մեկն է քաղաքում[1]։ Տան տերը հաճախ է լուծել քաղաքում ճարտարապետական կառույցների շինարարության հետ կապված հարցեր։
1817 թվականի մայիսի 9-ին այս տանը կազմակերպվել է շքեղ տոնակատարություն[4]. ամուսնացել է ատամանի որդի Իվան Մատվեևիչը։ Հարսնացուն մեկ այլ ատամանի` Ստեպան Եֆրեմովի թոռնուհին էր։
1818 թվականին գեներալի տանը կազմակերպել են պարահանդես քաղաք ժամանած Ալեքսանդր I-ի պատվին[2]։ Որոշ ժամանակ անց շենքը դարձել է կազակ Շեյկինի սեփականությունը։ Նա վերակառուցել է նախկին գեներալական տունը, և 1870-ական թվականներին այս շինությունն արդեն հայտնի էր որպես «Եվրոպական» հյուրանոց։ Այնտեղ կանգ էին առնում առավելապես ստեղծագործական մասնագիտությունների ներկայացուցիչները[1]։
1930-ական թվականներին հյուրանոցը վերակազմավորվել է ուսանողական հանրակացարանի[1]։
XXI դարում շենքում Հարավռուսական պետական տեխնիկական համալսարանի հանրակացարանն է[1][2]։
Նկարագրություն
խմբագրելԲարձր ցոկոլով, պատշգամբով և մեծ չափերի սյուներով երկհարկանի քարե շենքի տան դիմաց սկզբնապես նստարաններով հրապարակ էր։ Այժմ այնտեղ է Ալեքսանդրովյան զբոսայգին է։ Պատշգամբն ունի երկաթե ցանցկեն ցանկապատ։ Շենքի ճակատին կան բազմաթիվ պատուհաններ[1]։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 «Дом генерала Курнакова//Новочеркасская централизованная библиотечная система». Արխիվացված է օրիգինալից 2017 թ․ փետրվարի 21-ին. Վերցված է 2017 թ․ մարտի 3-ին.
- ↑ 2,0 2,1 2,2 Официальный сайт города Новочеркасск
- ↑ Дореволюционная история Новочеркасска
- ↑ Краеведческие записки, Том 1, Музей, 1994, С. 38