Գագիկ Ստեփանյան (քանդակագործ)

Անվան այլ կիրառումների համար տե՛ս՝ Գագիկ Ստեփանյան (այլ կիրառումներ)

Վիքիպեդիայում կան հոդվածներ Ստեփանյան ազգանունով այլ մարդկանց մասին։

Գագիկ Վարազդատի Ստեփանյան (մարտի 3, 1950(1950-03-03) , ՀՀ Վայոց ձորի մարզ, գյուղ Զառիթափ), հայ քանդակագործ։

Գագիկ Ստեփանյան
Ծնվել է	մարտի 3, 1950(1950-03-03) (74 տարեկան)
Քաղաքացիություն	ԽՍՀՄ և  Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1967) և Սանկտ Պետերբուրգի Սերովի անվան գեղարվեստի ուսումնարան
Ստեղծագործություն(ներ)	Իսրայել Օրու հուշարձան և Գարեգին Նժդեհի հուշարձան
Մասնագիտություն	քանդակագործ և ուսուցիչ
Աշխատավայր	Հայկական պետական մանկավարժական համալսարան և Երևանի պետական գեղարվեստա-թատերական ինստիտուտ
Անդամություն	Հայաստանի նկարիչների միություն

Կենսագրություն

1963-1967 թվականներին սովորել է Երևանի գեղարվեստի ուսումնարանում, 1968 թվականին ավարտել է Լենինգրադի գեղարվեստի ուսումնարանը և 1974 թվականին՝ գեղարվեստի ինստիտուտը։

1995 թվականից դասավանդում է Հայկական պետական մանկավարժական համալսարանում, 2003 թվականից, միաժամանակ՝ Երևանի գեղարվեստի ակադեմիայում։

1996 թվականից Հայաստանի նկարիչների միության քանդակի մասնաճյուղի նախագահ։

Ստեղծագործություններ

Հեղինակ է Հակոբոս Առաքյալի (Զեբեդյան) հարթաքանդակի (2001, Երևանի Սուրբ Գրիգոր Լուսավորիչ եկեղեցի), Հ. Շահինյանի հուշաքանդակի (2002, Երևան), Իսրայել Օրու հուշարձանի (2004, Ջերմուկ), Գարեգին Նժդեհի հուշարձան (Երևան, 2016) և այլն։

Պատկերասրահ

• 
  Իսրայել Օրու հուշարձան, 2004, Ջերմուկ
• 
  Գարեգին Նժդեհի հուշարձան (Երևան)