Բորիս Հայրապետյան

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Բորիս Ալեքսանդրի Հայրապետյան (հունիսի 23, 1955(1955-06-23), Երևան, Հայկական ԽՍՀ, ԽՍՀՄ), հայ կինոռեժիսոր, սցենարիստ։

Բորիս Հայրապետյան
Ծնվել է	հունիսի 23, 1955 (69 տարեկան)
Ծննդավայր	Երևան
Կրթություն	Մոսկվայի պետական համալսարան (1981) և Մոսկվայի Գերասիմովի անվան կինեմատոգրաֆիայի ինստիտուտ (1989)
Քաղաքացիություն	ԽՍՀՄ և  Ռուսաստան
Ազգություն	հայ
Մասնագիտացում	կինոռեժիսոր, սցենարիստ և ռեժիսոր
Պարգևներ
IMDb	ID ID 0014765

Կենսագրություն

1981 թվականին ավարտել է Մոսկվայի պետական համալսարանի փիլիսոփայության ֆակուլտետը, 1989 թվականին՝ Մոսկվայի Կինեմատոգրաֆիայի համամիութենական ինստիտուտի ռեժիսորական ֆակուլտետը։ 1981-1982 թվականներին դասախոսել է Երևանի պոլիտեխնիկական ինստիտուտում։ 1982-1985 թվականներին եղել է «Հայֆիլմ» ստուդիայի ռեժիսորի ասիստենտ, ապա՝ ռեժիսոր։ 1993 թվականին հիմնել է «Էյ-Բի-Էյ» կինոընկերությունը։ 1992-2002 թվականներին եղել է Ռուսաստանի Կինեմատոգրաֆիստների միության քարտուղարը։ 1993 թվականից «Սուրբ Աննա» ռուսական ամենամյա ուսանողական և դեբյուտային ֆիլմերի մրցույթի նախագահն է։ 2003 թվականին Մոսկվայի Մեծ թատրոնում բեմադրել է Բելլինիի «Նորմա» օպերան։ ՌԴ կինեմատոգրաֆիստների և ռեժիսորների միությունների անդամ է։

Կինոնկարներ

• «Արևիկ», 1978
• «Այնտեղ, ուր երկինքը պառկած է գետնին», 1989
• «Մարդասպանը», 1993
• «Տեղ աշխարհի վրա», 2001
• «Կամուրջը»

Մրցանակներ

• «Էմմի», Չիկագոյի կինոընկերություն
• ՌԴ 2-րդ կարգի պետական մեդալի՝ հայրենիքին մատուցած ծառայությունների համար
• «Ոսկե դիմակ» փառատոնի ժամանակ արժանացել է 5 մրցանակի, այդ թվում՝ «Լավագույն ներկայացում»

Արտաքին հղումներ

• Ուրվագիծ - Բորիս Հայրապետյան

Վիքիպահեստն ունի նյութեր, որոնք վերաբերում են «Բորիս Հայրապետյան» հոդվածին։