Բորիս Ազարով
Բորիս Ազարով (ուկրաիներեն՝ Азаров Борис Іванович, հուլիսի 19, 1940, Սիմֆերոպոլ, ՌԽՖՍՀ, ԽՍՀՄ - փետրվարի 15, 2013, Սիմֆերոպոլ, Ուկրաինա), ուկրաինացի և խորհրդային ռեժիսոր և դերասան։ ՈւԽՍՀ արվեստի վաստակավոր գործիչ։ Եղել է Ղրիմի Ինքնավար Հանրապետության մրցանակի դափնեկիր, Ղրիմի ակադեմիական տիկնիկային թատրոնի գեղարվեստական ղեկավար։
| Բորիս Ազարով | |
|---|---|
 | |
| Ծնվել է | հուլիսի 19, 1940 |
| Ծննդավայր | Սիմֆերոպոլ, ՌԽՖՍՀ, ԽՍՀՄ |
| Մահացել է | փետրվարի 15, 2013 (72 տարեկան) |
| Մահվան վայր | Սիմֆերոպոլ, Ուկրաինա |
| Քաղաքացիություն |  ԽՍՀՄ և  Ուկրաինա |
| Մասնագիտություն | ռեժիսոր, դերասան, թատերական ռեժիսոր և տիկնիկագործ |
| Պարգևներ և մրցանակներ |   և  |
Կենսագրություն խմբագրել
1975 թվականին ավարտել է Կրասնոդարի մշակույթի պետական ինստիտուտը։
1959 թվականից աշխատել է Ղրիմի ակադեմիական տիկնիկային թատրոնում որպես բեմի աշխատող և լուսավորող, 1962 թվականից եղել է դերասան, 1978-2013 թվականներին` գլխավոր ռեժիսոր, իսկ 1998 թվականից` գեղարվեստական ղեկավար։
Բորիս Ազարովը եղել է Տիկնիկային թատրոնի գործիչների միջազգային միության (UNIMA) և Ուկրաինայի արվեստների ակադեմիայի նախագահությանը կից տիկնիկային թատրոնների աշխատանքի խորհրդի անդամ։
Չորս տարիների ընթացքում Բորիս Ազարովը ղեկավարել է Եվրոպայի տիկնիկավարների միջազգային ժյուրին։ Մշակույթի զարգացման գործում ունեցած ավանդի և տիկնիկային և թատերական արվեստի ոլորտում ունեցած ձեռքբերումների համար արժանացել է մի շարք պարգևների։ Մահացել է ծանր հիվանդությունից։
Տիկնիկային բեմադրություններ խմբագրել
Բացահայտում-ներկայացումներ են դարձել «Անագե տոկուն զինվորիկը», «Քամիներ փնտրիր դաշնում», «Աստղային տղան» (1985), «Տիկնիկների դիմակահանդես» (1995) բեմադրությունները։ Առաջինն է եղել Ուկրաինայի տիկնիկային թատրոնում, որ բեմադրել է «Չայկովսկու հեքիաթները» բալետը և օպերան։
Բ. Ազարովի և Վ. Կուրենկովայի «Աքլոր և Կո» ներկայացումը մրցանակների է արժանացել է «Թատրոնը ճամպրուկում» 11-րդ միջազգային փառատոնի 3 անվանակարգերում (Լեհաստան, Լոմժա քաղաք, 1998)։
Մրցանակներ խմբագրել
- Երրորդ աստիճանի ծառայությունների համար շքանշանի ասպետ[1]։