Բյուզանդ Սելվինազյան

Բյուզանդ Սարհատի Սելվինազյան (ապրիլի 29, 1937(1937-04-29) - 2009), հայ տնտեսագետ։ Տնտեսագիտության դոկտոր (1988), պրոֆեսոր (1991)։

Բյուզանդ Սելվինազյան
Ծնվել է	ապրիլի 29, 1937(1937-04-29)
Մահացել է	2009
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան (1959, 1963)
Գիտական աստիճան	տնտեսագիտության դոկտոր (1988) և պրոֆեսոր (1991)
Մասնագիտություն	տնտեսագետ
Աշխատավայր	ՀՀ ԳԱԱ Միքայել Քոթանյանի անվան տնտեսագիտության ինստիտուտ և Հայաստանի պետական տնտեսագիտական համալսարան

Կենսագրություն

Բյուզանդ Սելվինազյանը ծնվել է 1937 թվականին Երևանում։ 1959 թվականին ավարտել է Երևանի պետական համալսարանի երկրաբանական, 1963 թվականին՝ տնտեսագիտական ֆակուլտետները։ 1967 թվականից աշխատել է ՀԽՍՀ ԳԱ տնտեսագիտության ինստիտուտում, 1978-1982 թվականներին եղել է գիտական մշակումների տնտեսական հիմնավորման լաբորատորիայի, 1982-1991 թվականներին՝ նյութատեխնիկական պաշարների օգտագործման տնտեսական արդյունավետության բաժնի վարիչ, 1991-1997 թվականներին՝ Հայաստանի պետական տնտեսագիտական համալսարանի նյութական պաշարների կառավարման, 1997 թվականից՝ մարքեթինգի ամբիոնների վարիչ։

Աշխատանքները վերաբերում են տնտեսության կառավարման, գնագոյացման, արտադրության արդյունավետության գնահատման, հանքահումքային պաշարների արդյունավետ օգտագործման, ՀՀ հանքարդյունաբերության զարգացման, մարքեթինգային գործունեության հարցերին։ Համահեղինակ է «Զբոսաշրջության մարքեթինգ» (2003) ուսումնական ձեռնարկի։

Թաղված է Թոխմախի գերեզմանոցում։

Երկեր

• Սելվինազյան, Բյուզանդ (1985) С. А. Мелкумян, Индустрия камня Армянской ССР, Изд-во «Айастан», Ереван, 1984, 221 с. Ս. Ա. Մելքումյան, Հայկական ՍՍՀ քարի ինդուստրիան, «Հայաստան» հրատարակչություն, Երևան, 1984, 221 էջ. Լրաբեր Հասարակական Գիտությունների, № 8 . pp. 86–88. ISSN 0320-8117:
• Սելվինազյան, Բյուզանդ (1986) Արդյունաբերական արտադրության տնտեսական արդյունավետության չափանիշը և ցուցանիշները. Լրաբեր Հասարակական Գիտությունների, No. 9 . pp. 3–13. ISSN 0320-8117:
• Սելվինազյան, Բյուզանդ (1977) Ընդերքում հանքային հումքի հետախուզված պաշարների գնի որոշումը. Լրաբեր Հասարակական Գիտությունների, № 6 . pp. 3–13:
• Սելվինազյան, Բյուզանդ, Ղազարյան, Ելիզավետա, Միքայելյան, Միքայել (1981) Խորդենու եթերայուղի արտադրության արդյունավետության բարձրացման ուղիները. Լրաբեր Հասարակական Գիտությունների, № 5 . pp. 36–44. ISSN 0320-8117:
• Սելվինազյան, Բյուզանդ (1984) Հայաստանի հանքահումքային ռեսուրսների ռացիոնալ օգտագործման ուղիները. Լրաբեր Հասարակական Գիտությունների, № 6 . pp. 3–11. ISSN 0320-8117:
• Սելվինազյան, Բյուզանդ (1978) Հիմնական արտադրական ֆոնդերի վերարտադրությունը արդյունաբերության արդյունահանող ճյուղերում. Լրաբեր Հասարակական Գիտությունների, № 1 . pp. 3–15. ISSN 0320-8117: