Բիլայն
«Բիլայն» (նաև` Beeline, մինչև 2005 թվականը՝ «Բի Լայն GSM»), Վիմպելկոմ ընկերության ապրանքանիշը, որի ներքո դուստր կազմակերպությունները տրամադրում են հեռահաղորդակցության ծառայություններ (առաջին հերթին՝ բջջային կապի ծառայություն) Ռուսաստանում («Вымпел-Коммуникации» ընկերություն) և ԱՊՀ երկրներում[1]։ Մասնավորապես, այս ապրանքանիշի ներքո մատուցվում են բջջային (GSM, UMTS և LTE) և ֆիքսված կապի, լարային (FTTB) և անլար (Wi-Fi, «Բիլայն WiFi») գերարագ ինտերնետի հասանելիության ծառայություններ, IP հեռուստատեսություն («Բիլայնի տնային թվային հեռուստատեսություն» և «Բջջային հեռուստատեսություն»)։
Բիլայն | |
|---|---|
 | |
 | |
| Տեսակ | բիզնես ձեռնարկություն, ձեռնարկություն և հեռահաղորդակցային ընկերություն |
| Հիմնադրված է | օգոստոսի 6, 1993 |
| Վայր | Մոսկվա, Ռուսաստան |
| Երկիր |  Ռուսաստան |
| Արդյունաբերություն | հեռուստահաղորդակցության արդյունաբերություն և բջջային հեռախոսների ինդուստրիա |
| Մայր ընկերություն | VEON? |
| Սեփականատեր | Վիմպելկոմ |
| Կայք | beeline.am |
 Beeline Վիքիպահեստում | |
«ՎիմպելԿոմ» ընկերությունը հիմնադրվել է 1992 թվականին, իսկ պաշտոնապես գրանցվել է նույն տարվա սեպտեմբերի 15-ին։ Այդ օրը համարվում է «ՎիմպելԿոմ» ընկերության ծննդյան օրը (գործում է «Բիլայն» ապրանքանիշի ներքո)[2]։ Ընկերության գլխամասը տեղեկայված է Մոսկվայում[3]։
Վարկանիշ խմբագրել
«Interbrand»-ի տվյալներով մինչև 2011 թվականը «Բիլայն»-ը ռուսական ամենաթանկ ապրանքանիշն էր[4]։ Այն ռուսական երկու ապրանքանիշներից մեկն է («ՄՏՍ-ի» հետ միասին), որն ընդգրկված է համաշխարհային 100 խոշորագույն ապրանքանիշների ցանկում, և զբաղեցնում է 72-րդ տեղը։ Այդ ցանկը կազմվել է 2009 թվականի ապրիլին բրիտանական «Financial Times» ամսագրի կողմից[5]։ 2009 թվականին եվրոպական բրենդների («European Brand Institute»-ի համաձայն) վարկանիշային ցուցակում «Բիլայն»-ը զբաղեցրել է 39-րդ հորիզոնականը։
2011 թվականի գարնանը «Բիլայն»-ը դուրս է մնացել աշխարհի 100 ամենաթանկ բրենդների ցանկից (ըստ «Millward Brown»-ի)՝ Ռուսաստանում երկրորդ տեղը զիջելով «Սբերբանկին»[6]։ Մեկնաբանելով արդյունքները՝ ընկերությունը այդ հանգամանքը պատճառաբանում է այն փաստով, որ 2009-2010 թվականներին էականորեն կրճատվել են բրենդի առաջխաղացման ծախսերը և գովազդային բյուջեն[6]։
«Sostav»-ի գովազդատուի վարկանիշի համաձայն՝ «Բիլայն»-ը ներառված է ռադիոտեղորոշիչների և արտաքին գովազդի տեղորոշման լավագույն հնգյակում[7]։
Ծանոթագրություններ խմբագրել
- ↑ Дзядко, Тимофей. ««Мы всё делаем мягко и незаметно», — Игорь Литовченко, президент «Киевстара»». // Ведомости, 25.05.2011, № 93 (2859). Արխիվացված է օրիգինալից 2012 թ․ ապրիլի 26-ին. Վերցված է 2011 թ․ մայիսի 25-ին.
- ↑ «История Компании «ВымпелКом» (работающей под торговой маркой «Билайн»)». Արխիվացված է օրիգինալից 2018 թ․ օգոստոսի 11-ին. Վերցված է 2019 թ․ հունվարի 21-ին.
- ↑ «VimpelCom - Contacts». Արխիվացված է օրիգինալից 2008 թ․ հուլիսի 2-ին. Վերցված է 2008 թ․ հուլիսի 3-ին.
- ↑ 40 самых дорогих брендов России по версии Interbrand Արխիվացված 2008-12-07 Wayback Machine
- ↑ Михаил Оверченко, Елена Виноградова. Дороже нефти Արխիվացված 2009-05-01 Wayback Machine // Ведомости, № 76 (2346), 28 апреля 2009
- ↑ 6,0 6,1 «Билайн» разменял сотню
- ↑ ТОП-30 крупнейших рекламодателей России. // sostav.ru
Արտաքին հղումներ խմբագրել
- Պաշտոնական կայք Արխիվացված 2021-07-09 Wayback Machine
- «Բիլայն»-ի տարեկան հաշվետվություններ(չաշխատող հղում)