Բիբի-Խանըմ, ճարտարապետական հուշարձան՝ մզկիթ Սամարղանդում։ Կառուցվել է 1399—1404-ին, Լենկթեմուրի՝ Հնդկաստան կատարած արշավանքից հետո։ Ուղղանկյուն հատակագծով (83 մ x 62 մ) բակի 2 հակադիր կողմերին են շքամուտքը և մզկիթի գլխավոր կառույցը, իսկ մյուս կողմերին դեմ հանդիման՝ 2 փոքր կառույցները։ Շինությունները պարագծով իրար են միացնում քանդակազարդ, մարմարյա և ավազաքարե սյուներով (300-ից ավելի) բազմագմբեթ սրահները։ Համակառույցի 4 անկյունները ամրացված են մինարեներով։ Կառույցի հարդարանքը՝ փիրուզյա և կապույտ մայոլիկա, խճանկար, կապտաոսկեգույն մանվածո զարդանախշեր, մարմարյա ագուցվածքներ։ Այժմ կիսավեր է։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 435)։
.jpg)
Ուզբեկստան[1]
