Բերդակ (Վանի գավառ)
Անվան այլ կիրառումների համար տե՛ս՝ Բերդակ (այլ կիրառումներ)
Բերդակ, գյուղ Արևմտյան Հայաստանում, Վանի վիլայեթի Վանի գավառում[1]։ Գտնվում էր Վան քաղաքից 11 կմ հարավ, Խոշաբ գետի աջ ափին, ձորամիջում։
Գյուղ | ||
---|---|---|
Բերդակ | ||
Վարչական տարածք | Արևմտյան Հայաստան | |
Վիլայեթ | Վանի վիլայեթ | |
Գավառակ | Վանի գավառակ | |
Այլ անվանումներ | Բիրդաք, Պերտակ, Սև Ագրակ | |
Պաշտոնական լեզու | Հայերեն | |
Ազգային կազմ | Հայեր (մինչև Մեծ եղեռնը) | |
Կրոնական կազմ | Քրիստոնյա (մինչև Մեծ եղեռնը) | |
Ժամային գոտի | UTC+3 | |
|
Անվանում
խմբագրելԳյուղն անվանումը ստացել է դիմացի փոքր բլրի անունից, որի վրա նախկինում բերդ է եղել։
Պատմություն
խմբագրել1896 թվականին գյուղը ենթարկվել է ավարառության և կոտորածի։ Բնակչությունը տեղահան է արվել 1915 թվականի Մեծ եղեռնի ժամանակ։
Բնակչություն
խմբագրել1850-ական թվականներին ուներ 30 տուն, իսկ XX դարի սկզբին՝ 60 տուն հայ բնակիչ։
Տնտեսություն
խմբագրելԲնակչության հիմնական զբաղմունքը երկրագործություն, անասնապահությունն ու արհեստներն էր։ Գյուղը հայտնի էր իր խաղողով և գինով։
Օգտակար հանածոներ
խմբագրելԲնակավայրն ունի հրակայում կավի, մոխրագույն ավազաքարի և երկաթաքարի ընտիր հանքեր։
Պատմամշակութային կառույցներ
խմբագրելԲերդակն ուներ Ս. Հովհաննես անունով գեղակերտ եկեղեցի (XVII դար), որտեղ պահպանվում էր XV դարի մի Հայսմավուրք։ Գյուղի մոտ գտնվում էր Ս. Աստվածածին վանքը։
Կրթություն
խմբագրելԵկեղեցուն կից գործում էր ուսումնարան։
Գրչություն
խմբագրելՀնում եղել էր գրչության կենտրոն[2]։
Տես նաև
խմբագրելԾանոթագրություններ
խմբագրել- ↑ «Վանի նահանգի Վան-Տոսպի և Հայոց Ձորի գավառակներ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 1, էջ 663
Աղբյուրներ
խմբագրել- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 420)։ |