Բեմբիի մանկությունը

«Բեմբիի մանկությունը» (ռուս.՝ «Детство Бемби»), 1985 թվականի խորհրդային գեղարվեստական ֆիլմ, որը նկարահանվել է Ֆելիքս Զալտենի «Բեմբի» հեքիաթի մոտիվներով։ Շարքի երկրորդ մասն է «Բեմբիի պատանեկությունը» ֆիլմը։

Բեմբիի մանկությունը անգլ.՝ Bambi's Childhood
Երկիր	ԽՍՀՄ
Թվական	1985
Լեզու	ռուսերեն
Ռեժիսոր	Նատալիա Բոնդարչուկ
Կինոընկերություն	Մաքսիմ Գորկու անվան կինոստուդիա
Հաջորդ	Բեմբիի պատանեկությունը

Ֆիլմը նկարահանվել է Ղրիմում՝ Ղրիմի արգելոցում և «քարանձավային քաղաքներում»։ Էսկի-Կերմենում նկարահանումների ավարտից հետո որոշ քարանձավների պատերին պահպանվել են կենդանիների պատկերներ, որոնք զբոսաշրջիկներին ներկայացրել են որպես «քարանձավային մարդկանց նկարներ»։

Սյուժե

Անտառում տոն է, ծնվել է Բեմբի եղնիկը՝ առաջնորդի որդին, արքայազնը, թագի ժառանգորդը։ Բեմբին դեռ փոքր է, և ամբողջ հսկայական աշխարհը նրա շուրջը ներկայանում է որպես կախարդական հեքիաթ։ Այս հեքիաթում նա հանդիպում է բազմաթիվ հրաշքների՝ գազաններ և ծառեր, արև և գետակ, իր զարմիկները, սկյուռիկ, զվարճալի նապաստակներ և գեղեցիկ կարապներ։ Բայց հեքիաթային անտառում, որտեղ բոլորը համերաշխ են ապրում, ապրում է Նա, որի անունը չի նշվում, ուից վախենում են բոլորը, նույնիսկ ամենաուժեղ գազանները։ Բեմբին պետք է անցնի մի շարք վտանգների, արկածների միջով և ձեռք բերի նոր գիտելիքներ, մինչև նա մեծանա և գրավի նրա տեղը՝ դառնալով իր հոտի առաջնորդը։

Դերերում

• Իվան Բուռլյաև – փոքրիկ Բեմբի
• Նիկոլայ Բուռլյաև – պատանի Բեմբի
• Կատյա Լիչյովա – փոքրիկ Ֆալինա
• Գալինա Բելյաևա – Ֆալինա
• Նատալյա Բոնդարչուկ – Ագնի, Բեմբիի մայրը
• Մարիս Լիեպա – Բեմբիի հայրը
• Լև Դուրով – բվեճ Սավվա
• Իննա Մակարովա – մորաքույր Նետլա
• Գալինա Արտյոմովա – Էննա, Ֆալինայի և Գոբոյի մայրը
• Մաքսիմ Շալնև – Գոբո, Ֆալինայի եղբայրը
• Այվարիս Լեյմանիս – Կարուս
• Իլզե Լիեպա – մայր կարապ
• Գեդիմինաս Տարանդա – հայր կարապ
• Դավիդ Յուլիս – Նապաստակ
• Լիզա Կիսելյովա – Սկյուռ
• Միխայիլ Եվդոկիմով – կենդանիների հնչյունավորում (լուսագրերում նշված չէ)

Նկարահանող խումբ

• Սցենարի հեղինակ՝ Նատալյա Բոնդարչուկ, Յուրի Նագիբին, Ֆելիքս Զալտեն
• Ռեժիսոր՝ Նատալյա Բոնդարչուկ
• Օպերատոր՝ Ալեքսանդր Ֆիլատով
• Նկարիչ՝ Տատյանա Ֆիլատովա
• Կոմպոզիտոր՝ Բորիս Պետրով

Փառատոններ և մրցանակներ

• 1986 – 19-րդ համամիութենական կինոփառատոն (Ալմա Աթա) երեխաների և պատանիների համար ֆիլմերի ծրագրում՝ «Մարդու և բնության համագործակցության թեմայի լավագույն բացահայտման համար» գլխավոր մրցանակը – «Բեմբիի մանկությունը» ֆիլմի համար (Նատալյա Բոնդարչուկ)

Արտաքին հղումներ

• «Детство Бемби» на сайте «Энциклопедия отечественного кино»
• «Детство Бемби» на сайте «Дети в кино»