Բելլա Դարբինյան

Բելլա Պավելի Դարբինյան (Կուզնեցովա, փետրվարի 10, 1936(1936-02-10), Կիրովական, ԽՍՀՄ - օգոստոսի 23, 2005(2005-08-23), Երևան, Հայաստան), հայ երգչուհի, ՀԽՍՀ վաստակավոր արտիստ (1966)։

Բելլա Դարբինյան
Հիմնական տվյալներ
Ծնվել է	փետրվարի 10, 1936(1936-02-10) Կիրովական, ԽՍՀՄ
Երկիր	ԽՍՀՄ և Հայաստան
Մահացել է	օգոստոսի 23, 2005(2005-08-23) (69 տարեկան) Երևան, Հայաստան
Մասնագիտություն	երգչուհի
Գործիքներ	վոկալ
Կրթություն	Երևանի Կոմիտասի անվան պետական կոնսերվատորիա (1959) և Ռոմանոս Մելիքյանի անվան պետական երաժշտական քոլեջ (1955)
Պարգևներ	և

Կենսագրություն

1955 թվականին ընդունվել է Ռոմանոս Մելիքյանի անվան երաժշտական ուսումնարան, 1959 թվականին՝ Երևանի Կոմիտասի անվան պետական կոնսերվատորիան (սովորել է Տաթևիկ Սազանդարյանի դասարանում), 1962 թվականից ուսումը շարունակել է Մոսկվայի Մեծ թատրոնին կից ստուդիայում։  Հանդես է եկել Կարմենի, Ազուչենայի, Ամներիսի և այլ օպերային դերերով։ Այնուհետև ընտրել է էստրադային երգչուհու ուղին։ 1961-1966 թվականներին եղել է Հայաստանի էստրադային նվագախմբի մեներգչուհի, 1966-1996 թվականներին` Հայաստանի ռադիոպետկոմի էստրադային սիմֆոնիկ նվագախմբի մեներգչուհի։ Կատարել է էստրադային, ժողովրդական երգեր, գուսանական ռոմանսներ։

Մահ

Բելլա Դարբինյանը մահացել է 2005 թվականի օգոստոսի 23-ին Երևանում՝ կոկորդի քաղցկեղից։

Երգացանկ

• «Յար առանց քեզ»
• «Ծառերը ծաղկում են»
• «Մանուշակաձոր»
• «Օջախում»
• «Սասնա ծուռ»

Պարգևներ

• ՀԽՍՀ վաստակավոր արտիստ, 1966
• Անդրկովկասի էստրադային երգի մրցույթի ոսկե մեդալ
• Մովսես Խորենացու մեդալ, 2001

Արտաքին հղումներ

• Բեմում և կյանքում նա թագուհի էր… այսօր ՀԽՍՀ վաստակավոր արտիստ Բելլա Դարբինյանի մահվան օրն է