Հրանտ Բեգլարյան (կոմպոզիտոր)
Անվան այլ կիրառումների համար տե՛ս՝ Հրանտ Բեգլարյան (այլ կիրառումներ)- Վիքիպեդիայում կան հոդվածներ Բեգլարյան ազգանունով այլ մարդկանց մասին։
Հրանտ Բեգլարյան (անգլ.՝ Grant Beglarian, դեկտեմբերի 1, 1927[1], Թիֆլիս, ԱԽՖՍՀ, ԽՍՀՄ - հուլիսի 5, 2002[1], Նյու Յորք, Նյու Յորք, ԱՄՆ[2]), հայ կոմպոզիտոր։
| Հրանտ Բեգլարյան | |
|---|---|
.jpg) | |
| Հիմնական տվյալներ | |
| Ծնվել է | դեկտեմբերի 1, 1927[1] Թիֆլիս, ԱԽՖՍՀ, ԽՍՀՄ |
| Մահացել է | հուլիսի 5, 2002[1] (74 տարեկան) Նյու Յորք, Նյու Յորք, ԱՄՆ |
| Մասնագիտություն | կոմպոզիտոր |
| Կրթություն | Horace H. Rackham School of Graduate Studies? |
Կոմպոզիտոր Իվ Բեգլարյանի[3] հայրը։
Կենսագրություն խմբագրել
Հրանտ Բեգլարյանը ծնվել է Թիֆլիսում։ Շուտով ընտանիքը տեղափոխվել է Իրան և մանկությունն անցել է Թեհրանում։ Սովորել է Թեհրանի Թագավորական կոնսերվատորիայի ջութակի և կոմպոզիցիայի բաժիններում։ 1947 թվականին տեղափոխվել է ԱՄՆ, սովորել Բոստոնի և Միչիգանի համալսարաններում, Մասաչուսեթսի «Բերքշայր» երաժշտական կենտրոնում։ 1952-1954 թվականներին ծառայել է ԱՄՆ-ի զինված ուժերի սիմֆոնիկ նվագախմբում։ Երաժշտական արվեստի դոկտորի աստիճանն ստացել է Միչիգանի համալսարանի Ռաքամ դպրոցից 1958 թվականին։
Զբաղվել է մանկավարժությամբ, գրել երաժշտագիտական հոդվածներ։ 1961-1969 թվականներին եղել է Նյու Յորքի «Ժամանակակից երաժշտություն» կազմակերպության տնօրենը, 1969-1982 թվականներին՝ ԱՄՆ-ի Քալիֆորնիայի համալսարանի հայ երաժշտության ամբիոնի հիմնադիր (1979), երաժշտության, կինոյի և դրամայի մասնաճյուղերի, 1983 թվականից՝ Ֆլորիդայի երաժշտության և արվեստների ինստիտուտի դեկանը։ Գրել է «Սիմֆոնիկ դիվերտիսմենտ» (Գերշվինի անվան միջազգային մրցույթի 1-ին մրցանակ, 1959), «Յոթ բլուրների արձագանքը» կանտատը, կվինտետ, ջութակի, թավջութակի սոնատներ, երգաշարեր և այլն։ 1978 թվականին համերգով եղել է Երևանում[4][5]։
Պարգևներ խմբագրել
- Ջորջ Գերշվինի հիշատակի մրցանակ, 1959
- Դրամաշնորհներ ու մրցանակներ է ստացել նաև Ֆորդ հիմնադրամից, ASCAP և Phi Mu Alpha-ից
Ծանոթագրություններ խմբագրել
- ↑ 1,0 1,1 1,2 1,3 1,4 Երաժշտություն (ֆր.)
- ↑ «Մահախոսական, Հրանտ Բեգլարյան, 74». Արխիվացված է օրիգինալից 2015 թ․ սեպտեմբերի 27-ին. Վերցված է 2015 թ․ դեկտեմբերի 1-ին.
- ↑ «Eve Beglarian». Արխիվացված է օրիգինալից 2016 թ․ մարտի 4-ին. Վերցված է 2015 թ․ դեկտեմբերի 1-ին.
- ↑ Հրանտ Բեգլարյանի կենսագրությունը avproduction.am կայքում(չաշխատող հղում)
- ↑ «Grant Beglarian». Արխիվացված է օրիգինալից 2016 թ․ հունիսի 18-ին. Վերցված է 2015 թ․ դեկտեմբերի 1-ին.