Բասսելտոն

Բասսելտոն
Բնակավայր
	Բասսելտոն
Երկիր	Ավստրալիա
Համայնք	Արևմտյան Ավստրալիա և City of Busselton?
Հիմնադրված է	1832 թ.
ԲԾՄ	4 մետր
Բնակչություն	▲27 233 մարդ (օգոստոսի 10, 2021)
Փոստային դասիչ	6280
Պաշտոնական կայք	busselton.wa.gov.au(անգլ.)
	Բասսելտոն (Ավստրալիա)
	Բասսելտոն (Ավստրալիա)
	Բասսելտոն Վիքիպահեստում

Բասսելտոն (անգլ.՝ Busselton), քաղաք Արևմտյան Ավստրալիա ավստրալիական նահանգի հարավ-արևմտյան ափին։ Այն գտնվում է Գեոգրաֆ ծովածոցում՝ Փերթից մոտավորապես 220 կմ հարավ։ Այժմ Արևմտյան Ավստրալիա նահանգի հայտնի զբոսաշրջային օբյեկտ է։

Բնակչություն

2021 թվականին այստեղ ապրել է 27 233 մարդ։ Մակերեսը` 50կմ² է։ Խտությունը` 540 մարդ/կմ² է։

Պատմություն

Քաղաքը հիմնադրվել է 1832 թվականին բրիտանացի Ջոն Գարրետ Բասսելի կողմից (1803-1875 թվականներ), ով այստեղ ժամանել է որպես առաջին եվրոպացի նորաբնակիչ։ Քաղաքը իր անունը ստացել է նրա պատվին։

Տնտեսություն

Նավահանգիստ

Գյուղատնտեսությունից բացի, Բասսելտոնի տնտեսությունը հայտնի է փայտեղենի արդյունաբերության և կետորսության իր բուռն զարգացմամբ։ Բասսելտոնը դարձել է բարգավաճող նավահանգիստ արտասահմանյան արտահանությամբ ապրանքների համար, այդ պատճառով 1865 թվականին սկսվել է իր նշանավոր ավելի քան 1800 մետր երկարությամբ նավահանգստի շինարարությունը, որը այժմ համարվում է աշխարհի ամենաերկար նավահանգիստներից մեկը և դարձել է Բասսելտոն քաղաքի խորհրդանիշը։

Այսօր նավահանգիստը համարվում է Բասսելտոնի զբոսաշրջության հիմնական տեսարժան վայրը, որտեղ նաև հնարավորություն կա զբաղվելու սնորքելինգով և հիանալու մարջաններով ու բազմաթիվ ձկնատեսակներով։ Կառանացի վերջում կառուցվել է շինություն, որը զբոսաշրջիկներին թույլ է տալիս սուզվել ծովի հատակը (գտնվում է 12 մետր խորության վրա)՝ տեսնելու նրա էկոհամակարգը։