Արևելք (հանդես)
«Արևելք», կիսամսյա հանդես։
| Արևելք արմտ. հայ.՝ Արեւելք | |
|---|---|
 | |
| Տեսակ | հանդես |
| Լեզու | հայերեն |
| Գլխավոր խմբագիր | Ստեփան Ոսկանյան |
| Հիմնադրվել է | հուլիսի 1, 1855 |
| Հիմնադիր | Ստեփան Ոսկանյան |
| Երկիր | .svg){kind=small} Ֆրանսիա |
| Հրատարակման վայր | Փարիզ |
| Գրասենյակ | Փարիզ |
| Լուծարվել է | փետրվարի 1, 1856 |
Պատմություն խմբագրել
Լույս է տեսել 1855–1856 թվականներին Փարիզում։ Խմբագիր՝ Ստեփան Ոսկանյան (Ոսկան)։
Տպագրել է պատմական, գեղարվեստական, քննադատական երկեր։
Արծարծել է հայ հասարակական կյանքի վերափոխման հարցեր։ Ունեցել է գիտական, վիպային, պատմական, բանահյուսական, ազգային, երկրագործական և այլ բաժիններ։
Հիմնական նյութերը գրել կամ թարգմանել է խմբագիրը՝ երբեմն Հարմա, Հրանտ, Վահե ծածկանուններով։
«Արևելք» առաջադրել է ազատագրական գաղափարներ, քննադատել ազգային-քաղաքական բռնությունները Թուրքիայում։
Տպագրել է հակիրճ տեսություններ եվրոպացի (մասնավորապես՝ ֆրանսիացի) գրողների (Պիեռ Կոռնեյլ, Ժան դը Լաֆոնտեն, Մ. Ֆլորիան, Ժան-Ժակ Ռուսո, Ֆրանսուա-Ռընե դը Շատոբրիան, Ադամ Միցկևիչ, Ալեքսանդր Դյումա-որդի և ուրիշներ) երկերի մասին և թարգմանաբար տպագրել նրանց գործերից։
Նպաստել է աշխարհաբարի զարգացմանն ու մշակմանը, հայերենի բառաշինությանը։
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|