Արմեն Սմբատյան (պետական գործիչ)

Անվան այլ կիրառումների համար տե՛ս՝ Արմեն Սմբատյան (այլ կիրառումներ)

Վիքիպեդիայում կան հոդվածներ Սմբատյան ազգանունով այլ մարդկանց մասին։

Արմեն Վոլոդյայի Սմբատյան (սեպտեմբերի 26, 1977(1977-09-26), Եղեգնաձոր, Հայկական ԽՍՀ, ԽՍՀՄ), հայ տնտեսագետ, ՀՀ պետական գործիչ, ՀՀ Կենտրոնական ընտրական հանձնաժողովի քարտուղար։

Արմեն Սմբատյան
Ծնվել է	սեպտեմբերի 26, 1977(1977-09-26) (47 տարեկան)
Ծննդավայր	Եղեգնաձոր, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի պետական տնտեսագիտական համալսարան
Մասնագիտություն	տնտեսագետ

Կրթություն

• 1984-1994 թթ. - սովորել և գերազանցությամբ ավարտել է Եղեգնաձորի թիվ 1 միջնակարգ դպրոցը։
• 1994-1999 թթ. - սովորել և ավարտել է Երևանի ժողովրդական տնտեսության ինստիտուտը՝ տնտեսագետի որակավորմամբ։
• 2001-2003 թթ. - սովորել և ավարտել է ՀՀ ԳԱԱ Տնտեսագիտության ինստիտուտի ասպիրանտուրան։
• 2004-2007 թթ. - սովորել և ավարտել է ՀՀ Պետական կառավարման ակադեմիան՝ իրավագիտություն մասնագիտությամբ, իրավագիտության մագիստրոսի որակավորմամբ։

Աշխատանքային գործունեություն

• 1998-1999 թթ. - աշխատել է ՀՀ բանկային համակարգում։
• 1999-2001 թթ. - ծառայել է ՀՀ զինված ուժերում։
• 2002-2007 թթ. - շինարարական ընկերության փոխտնօրեն։
• 2004 թ. - ՄԱԿ-ի Զարգացման ծրագրի գյուղական համայնքների զարգացման միավորման գյուղական համայնքների վերաբերյալ տեղեկությունների հավաքագրման, մշակման և համայնքների անձնագրավորման փորձագետ։
• 2006-2007 թթ. - «Ազգային տարի» ՊՈԱԿ-ի աշխատակազմի ղեկավար-գլխավոր մենեջեր։
• 2007-2010 թթ. - ՀՀ աշխատանքի պետական տեսչության Երևանի տարածքային կենտրոնի պետի տեղակալ։
• 2010-2011 թթ. - ՀՀ աշխատանքի պետական տեսչության ն պետի տեղակալ։
• 2010-2011 թթ. - ՀՀ աշխատանքի պետական տեսչության աշխատողների արհեստակցական միության նախագահ։
• 2007-2011 թթ. - թիվ 10 ընտրատարածքային ընտրական հանձնաժողովի նախագահի տեղակալ։
• 2011 թ. հուլիսի 13-ին ՀՀ Նախագահի հրամանագրով ՀՀ Մարդու իրավունքների պաշտպանի առաջարկությամբ նշանակվել է ՀՀ Կենտրոնական ընտրական հանձնաժողովի անդամ՝ յոթ տարի պաշտոնավարման ժամկետով։
• 2011 թ. հուլիսի 14-ին ընտրվել է ՀՀ Կենտրոնական ընտրական հանձնաժողովի քարտուղար։
• Դասավանդել է ՀՀ համայնքային ծառայության վերապատրաստման, ՀՀ ընտրական հանձնաժողովների անդամների լիցենզավորման դասընթացներում։

Ամուսնացած է, ունի մեկ որդի։

Պարգևներ

• Երկու անգամ խրախուսվել է ՀՀ վարչապետի շնորհակալագրով։

Նախորդող Աբրամ Բախչագուլյան

ՀՀ Կենտրոնական ընտրական հանձնաժողովի քարտուղար Արմեն Սմբատյան 14 հուլիսի 2011 -

Հաջորդող ներկայումս պաշտոնավարում է