Արկանովի բաճկոնակի հուշարձան

հուշարձան Յալթայում

Արկադի Արկանովի բաճկոնակի հուշարձան (ռուս.՝ Памятник жилетке Аркадия Арканова), հումորային հուշարձան Ղրիմի Յալթա քաղաքի Հումորի ծառուղում, որը գտնվում է Առափնյա փողոցում՝ «Յուբիլեյնի» համերգասրահի մոտակայքում։

Picto infobox architecture.png
Արկանովի բաճկոնակի հուշարձան
Կոորդինատներ44°29′32″ հս․ լ. 34°09′47″ ավ. ե.HGЯO
Գտնվում էՌուսաստան / Ուկրաինա[1], Ղրիմ
Կառուցվել է2005
Շինության ձևըքանդակ
Կառուցել էԻգոր և Էլլա Լիսենկոներ[2]
Ներկա վիճակըԿանգուն

ՊատմությունԽմբագրել

Հումորի ծառուղին հիմնադրվել է 2004 թվականին՝ Յալթայի հումորի ու երգիծանքի փառատոնի և նրա կազմակերպիչներ Վլադիմիր Դանիլեցի և Վլադիմիր Մոիսեենկոյի շնորհիվ[3]։

Տարբեր տարիների ծառուղում հայտնվել են նաև Միխայիլ Ժվանեցկու պորտֆելը (2004), Ալեքսանդր Շիրվինդտի ծխամորճը (2006), Իոսիֆ Կոբզոնի խոսափողը (2007), Սոնյա մորաքրոջ հայելին ու գլխարկը՝ Կլարա Նովիկովայի պատվին (2014), «Հարմոն և կիթառ» քանդակը՝ քառյակասացներ Միխայիլ Վաշուկովի և Նիկոլայ Բանդուրինի պատվին (2015)[3]։

Գրող-երգիծաբան Արկադի Արկանովի բաճկոնակի հուշարձանը բացվել է երկրորդ փառատոնի օրերին՝ 2005 թվականի օգոստոսին։ Արարողությունը տեղի է ունեցել հազարավոր քաղաքացիների ներկայությամբ, մասնակցել են նաև փառատոնի մասնակիցները, որոնք նաև գրողի ընկերներն են՝ Ռոման Կարցևը, Յան Առլազորովը, Ալեքսանդր Շիրվինդտը, Կլարա Նովիկովան, Վլադիմիր Վիշնևսկին, Պոնոմարենկո եղբայրները, Արկադի Ինինը, Վլադիմիր Դանիլեցը, Միխայիլ Աշումովը, Գեորգի Դելիևը և նրա «դիմակները», ինչպես նաև վրացի երգչուհի Թամարա Գվերդծիթելին[4]։

Արկադի Արկանովը ներկա է եղել իր հագուստի պարագայի հուշարձանի բացմանը։ Երբ նա տեսել է քանդակը, զարմացել է, քանի որ մինչ այդ ասվել էր, որ պետք է տեղադրվի Արկանովի ֆրակի հուշարձանը[4]։

ՆկարագրությունԽմբագրել

Թիթեռնիկ փողկապով բաճկոնակը տեղադրված է 1:1,5 մասշտաբով գրքի վրա (Արկանովի ստեղծագործությունների հատորն է)։ Այդ հորինվածքն էլ ամրացված է դիորիտե պատվանդանին Քանդակը Ժվանեցկու պորտֆելից 4 մետր հեռավորության վրա է։ Քանդակագործ Իգոր Լիսենկոն քանդակը ստեղծել է երեք ամսում՝ ծախսելով 100 կիլոգրամ բրոնզ։ Նախագծի հեղինակն առանձնահատուկ ուշադրություն է դարձրել քանդակի ամրացմանը սյանը, քանի որ նախորդ տարի Ժվանեցկու 67-կիլոգրամանոց բրոնզե պայուսակը բացումից մեկ շաբաթ անց գողացվել էր[4]։

Տես նաևԽմբագրել

ԾանոթագրություններԽմբագրել

  1. Տվյալ աշխարհագրական օբյեկտը տեղայակված է Ղրիմի թերակղզում, որի մեծ մասը տարածքային վեճի առարկա է Ռուսաստանի և Ուկրաինայի միջև։ Համաձայն Ռուսաստանի վարչատարածքային բաժանման՝ թերակղզում տեղակայված են ՌԴ Ղրիմի Հանրապետության սուբյեկտները և դաշնային նշանակություն ունեցող Սևաստոպոլ քաղաքը։ Համաձայն Ուկրաինայի վարչատարածքային բաժանման՝ Ղրիմում գտնվում են Ուկրաինայի կազմի մեջ մտնող Ղրիմի Ինքնավար Հանրապետությունը և հատուկ կարգավիճակ ունեցող Սևաստոպոլ քաղաքը։
  2. «Описание фото "Памятник "Жилетка Арканова""» (չաշխատող հղում)
  3. 3,0 3,1 «Памятники Ялты: серьезные и с чувством юмора»։ Վերցված է 2019 Փետրվար 12 
  4. 4,0 4,1 4,2 «В ЯЛТЕ УВЕКОВЕЧИЛИ ЖИЛЕТКУ АРКАНОВА»։ Выпуск газеты Сегодня։ 06.08.2005, №175 (2117)։ Վերցված է 2019 Մարտ 12