Արթուր Գյութ

	Արթուր Գյութ
Կուսակցություն՝	Նացիոնալ-սոցիալիստական գերմանական բանվորական կուսակցություն և Ազատության գերմանական ազգային կուսակցություն
Գիտական աստիճան՝	բժշկության դոկտոր
Մասնագիտություն՝	բժիշկ, ռասայական հիգիենիստ, ռասայական հարցերի տեսաբան և ոչ գեղարվեստական գրող
Ծննդյան օր	օգոստոսի 17, 1891
Ծննդավայր	Michałowo, Warmian-Masurian Voivodeship, Gmina Susz, Իլավայի պովլյատ, Warmian-Masurian Voivodeship, Լեհաստան
Վախճանի օր	մարտի 2, 1949 (57 տարեկան)
Վախճանի վայր	Շտադե, Ստորին Սաքսոնիա, Բիզոնիա, Գերմանիան 1945-1949 թվականներին, Գերմանիա
Քաղաքացիություն	Գերմանիա

Արթուր Գյութ (գերմ.՝ Arthur Julius Gütt, օգոստոսի 17, 1891(1891-08-17), Michałowo, Warmian-Masurian Voivodeship, Gmina Susz, Իլավայի պովլյատ, Warmian-Masurian Voivodeship, Լեհաստան - մարտի 2, 1949(1949-03-02), Շտադե, Ստորին Սաքսոնիա, Բիզոնիա, Գերմանիան 1945-1949 թվականներին, Գերմանիա), գերմանացի պետական գործիչ, բժշկության դոկտոր, եվգենիստ, էս էս-ի բրիգադենֆյուրեր (1938, նոյեմբերի 9)։

Կենսագրություն

Արթուր Գյութը ծնվել է 1891 թվականի օգոստոսի 17-ին կալվածատիրոջ ընտանիքում։ 1911-1914 թվականներին բժշկություն է ուսումնասիրել։ Առաջին համաշխարհային պատերազմի մասնակից է, եղել է դաշտային բժշկի ասիստենտ։ Մարտական վաստակի համար պարգևատրվել է 2-րդ դասի Մետաղյա խաչով։ 1918 թվականի դեկտեմբերից աշխատել է պրակտիկ բժիշկ։ 1919 թվականին Քյոնիքսբերգում ստացել է բժշկության դոկտորի աստիճան։ Ակտիվ մասնակցություն է ունեցել քաղաքական գործընթացներում։ 1923-1925 թվականներին եղել է Գերմանական ժողովրդական ազատագրական կուսակցության համահիմնադիրն ու ղեկավարը։ Աշխատել է որպես բժիշկ։

1930-ական թվականների սկզբին համալրել է Նացիոնալ-սոցիալիստական գերմանական բանվորական կուսակցության շարքերը (տոմս № 1 325 846)։ 1933 թվականին աշխատել է Կայսերական ներքին գործերի նախարարությունում։ 1933 թվականին ընդունվել է էսէս-ի շարքերը (տոմս № 85 924) ունտերշտուրմանֆյուրերի կոչումով։ 1935 թվականին նշանակվել է Կայսերական ներքին գործերի նախարարության ժողովրդական առողջության դեպարտամենտի ղեկավար։ 1935 թվականի հունիսից եղել է Էսէս-ի ռեյխսֆյուրերի Անձնական շտաբի ժողովրդական և ժառանգական առողջապահության քաղաքականության վարչության պետ։

1936 թվականին Գյութը դարձել է գերմանական արյան պաշտպանության Ազգային կոմիտեի անդամ (գերմաներեն` Reichsausschuss zum Schutze des deutschen Blute), ինչպես նաև Լեբենսբորն կազմակերպության անդամ։ Գյութը կայուն ձևով հավատացել է գերմանական գերակշռությանը և ռասայական մաքրությանը, կարևոր դեր է խաղացել ստերիլիզացիայի մասին օրենքի ընդունման գործում (1934 թվականի հունվարի 1-ից), հանդիսացել է նաև ռասայական հիգիենայի մասին երկու ամսագրերի համախմբագիր, գերմանական ռասայական մաքրության վերաբերյալ բազմաթիվ հոդվածների և գրքերի հեղինակ է։ 1937 թվականի հուլիսի 1-ից եղել է Էսէս-ի ռասաների և բնակեցման հարցերով Գլխավոր վարչությունում Ծագումնաբանության հարցերով վարչության պետ (VIII Amt): 1939 թվականի սեպտեմբերի 6-ին թողել է Ներքին գործերի նախարարությունում իր պաշտոնը, ստացել պահեստազորի ստաս-քարտուղարի կոչում և դարձել Հասարակական առողջության Ակադեմիայի նախագահ։ 1944 թվականի նոյեմբերի 9-ին ընդունվել է Էսէս-ի ռեյսֆյուրերի շտաբ։ Պատերազմից հետո կարճ ժամանակով մեկուսացվել է, այնուհետև ազատվել։ Մահացել է 1949 թվականի մարտի 2-ին Շտադում, հավանաբար ինքնասպանություն գործելով^[3]։

Պարգևներ

2-րդ դասի Երկաթյա խաչ
Պատերազմի վետերան պատվավոր խաչ
Ռազմական վաստակի համար 2-րդ աստիճանի խաչ առանց սրերի
«Մեռյալ գլուխ» մատանի
Էսէս-ի ռեյխսֆյուրերի պատվավոր սուսեր

Ծանոթագրություններ

↑ ^1,0 ^1,1 Dienstaltersliste der Schutzstaffel der NSDAP, Stand vom 1. Dezember 1936 — 1936.
↑ ^2,0 ^2,1 Deutsche Nationalbibliothek Record #124419747 // Gemeinsame Normdatei (գերմ.) — 2012—2016.
↑ Немецкая национальная библиотека, Берлинская государственная библиотека, Баварская государственная библиотека и др. Record #124419747 // Общий нормативный контроль — 2012—2016.

Գրականություն

Залесский К. А. Кто был кто в Третьем рейхе. — М.։ АСТ, 2002. — 944 с. — 5000 экз. — ISBN 5-271-05091-2.
Залесский К. А. СС. Охранные отряды НСДАП. — М.։ Эксмо, 2005. — 672 с. — 5000 экз. — ISBN 5-699-09780-5.

Արտաքին հղումներ

SS-Brigadeführer Dr. med. Arthur Julius Gutt Արխիվացված 2011-07-05 Wayback Machine (գերմ.)
The Collector’s Guild Արխիվացված 2011-02-08 Wayback Machine (չաշխատող հղում — պատմություն, կրկնօրինակ) (անգլ.)
Dr. med. Arthur Julius Gütt (լեհ.)

[_67b46feee3309997-1] 1,0 ^1,1 Dienstaltersliste der Schutzstaffel der NSDAP, Stand vom 1. Dezember 1936 — 1936.

[_54a681a3bd2d480f-2] 2,0 ^2,1 Deutsche Nationalbibliothek Record #124419747 // Gemeinsame Normdatei (գերմ.) — 2012—2016.

[3] Немецкая национальная библиотека, Берлинская государственная библиотека, Баварская государственная библиотека и др. Record #124419747 // Общий нормативный контроль — 2012—2016.

[1]

[2]

[3]