Արեգ Գալստյան (քաղաքագետ)
Քաղաքագետ
- Անվան այլ կիրառումների համար տե՛ս՝ Արեգ Գալստյան (այլ կիրառումներ)
- Վիքիպեդիայում կան հոդվածներ Գալստյան ազգանունով այլ մարդկանց մասին։
Արեգ Ստեփանի Գալստյան (օգոստոսի 21, 1989, Մարտունի, Հայկական ԽՍՀ, ԽՍՀՄ), հայ պատմաբան, քաղաքագետ-ամերիկագետ, վերլուծաբան, The Armenian Interest գիտավերլուծական կենտրոնի ղեկավար[1]։ Պատմական գիտությունների թեկնածու, The National Interest, The American Thinker, The Hill և Forbes պարբերականների սյունակագիր։
Արեգ Գալստյան | |
---|---|
Ծնվել է | օգոստոսի 21, 1989 (34 տարեկան) |
Ծննդավայր | Մարտունի, Հայկական ԽՍՀ, ԽՍՀՄ |
Գիտական աստիճան | պատմական գիտությունների թեկնածու |
Մասնագիտություն | քաղաքագետ, պատմաբան, վերլուծաբան փիլիսոփա և սյունակագիր |
Կենսագրություն խմբագրել
Ծնվել է 1989 թվականի օգոստոսի 21-ին Մարտունի քաղաքում, Հայկական ԽՍՀ (այժմ՝ Գեղարքունիքի մարզ, Հայաստան)։
Կրթություն խմբագրել
- 2007-2012 թվականներին սովորել և ավարտել է Տոմսկի պետական համալսարանի Միջազգային հարաբերությունների ֆակուլտետը, Համաշխարհային քաղաքականության ամբիոն։
- 2012-2015 թվականներին սովորել և ավարտել է Տոմսկի պետական համալսարանի Միջազգային հարաբերությունների ֆակուլտետի Համաշխարհային քաղաքականության ամբիոնի ասպիրանտուրան։ Պատմական գիտությունների թեկնածու։
Աշխատանքային գործունեություն խմբագրել
- 2011-2013, դասավանդել է Տոմսկի պետական համալսարանում մի շարք առարկաներ, այդ թվում՝ «Լոբբին ամերիկյան քաղաքականությունում», «Հայկական ժամանակակից արտաքին քաղաքականությունը և հայկական լոբբիի գործոնը ամերիկյան քաղաքականությունում» թեմաներով։
Ամերիկյան քաղաքականությանը, Հայաստանի արդի արտաքին քաղաքականությանը նվիրված դասախոսությունների շարք է կարդացել նաև Մոսկվայի պետական համալսարանում, Երևանի պետական համալսարանում, Ռուս-հայկական սլավոնական համալսարանում։
- 2017 թվականից, գլխավորում է The Armenian Interest գիտավերլուծական կենտրոնը, որի առաքելությունն է «Միավորել մարդկանց և գաղափարները հայկական շահերի շուրջ»[1]։
Ընտանիք խմբագրել
Ամուսնացած է։
Ծանոթագրություններ խմբագրել
- ↑ 1,0 1,1 «The Armenian Interest կենտրոնի փորձագետները». Արխիվացված է օրիգինալից 2017 թ․ օգոստոսի 20-ին. Վերցված է 2017 թ․ սեպտեմբերի 3-ին.