Արամ-Ասատուր Ալթունյան
- Վիքիպեդիայում կան հոդվածներ Ալթունյան ազգանունով այլ մարդկանց մասին։
Արամ-Ասատուր Թադևոսի Ալթունյան (մարտի 21, 1857[1], Սեբաստիա - հունվարի 4, 1950[1], Հալեպ, Սիրիա), հայ վիրաբույժ, պրոֆեսոր (1887): Նյու Յորքի վիրաբույժների միջազգային քոլեջի դոկտոր (1939): Կրել է «Հալեպի բժիշկների հայր» պատվանունը։ Իտալական գահի ասպետ (1914): Հալեպի բժիշկների միության պատվո նախագահ (1937):
 | |
|---|---|
| Ծնվել է | մարտի 21, 1857[1] |
| Ծննդավայր | Սեբաստիա |
| Մահացել է | հունվարի 4, 1950[1] (92 տարեկան) |
| Մահվան վայր | Հալեպ, Սիրիա |
| Մասնագիտություն | վիրաբույժ |
| Կոչում | պրոֆեսոր |
Կենսագրություն խմբագրել
Արամ-Ասատուր Ալթունյանը ծնվել է 1857 թվականի մարտի 21-ին, Արևմտյան Հայաստանի Սեբաստիա քաղաքում։ 1881 թվականին ավարտել է Թուրքիայի Անտեբի եռամյա բժշկական դպրոցը։ 1884 թվականին սովորել է Նյու Յորքի Կոլումբիայի քոլեջում։ Աշխատել է Հայդելբերգի (Գերմանիա) հայտնի բժշկական կենտրոններում։ 6 ամիս աշխատել է Բեռլինի Կոխի մանրէաբանական լաբորատորիայում։ 1887 թվականին եկել է Կոստանդնուպոլիս, ստացել Թուրքիայում գործելու արտոնագիր և աշխատել Անտեբի բժշկական դպրոցում։ 1888 թվականին եղել է Վիեննայի և Լոնդոնի կլինիկաներում, 1889 թվականին հաստատվել է Հալեպում, որտեղ 1896 թվականին բացել է Մերձավոր Արևելքում առաջին ռենտգենյան կաբինետը և կատարել ընդերադիտական հետազոտություններ։ 1911 թվականին հիմնադրել է Ալթունյանի հիվանդանոցը (գործել է մինչև 1962 թվականը)։ 1927 թվականին բացել է բուժքույրերի դպրոց։ Մեծ վաստակ ունի Սիրիայի և հատկապես Հալեպի առողջապահության զարգացման գործում։ Անձնական միջոցներով Հալեպում բացել է առաջին հայկական դպրոցը՝ հանրահայտ Հայկական վարժարանը։ Կրել է «Հալեպի բժիշկների հայր» պատվանունը։ 1937 թվականից եղել է Հալեպի բժիշկների միության պատվո նախագահ[2]։
Մահ խմբագրել
Արամ-Ասատուր Ալթունյանը մահացել է 1950 թվականի հունվարի 4-ին։ Թաղված է Հալեպի Հայ ավետարանական Էմանուել եկեղեցու բակում։
Պարգևներ խմբագրել
- Իտալական գահի ասպետ (1914)
- Սիրիական արքունյաց Բ (1931), Ա (1939) աստիճանի շքանշան
- Նյու Յորքի վիրաբույժների միջազգային քոլեջի ոսկե մեդալ (1939)։
- Սիրիական արքունյաց Ա աստիճանի շքանշան (1939)։
- Սիրիական արքունյաց Գերագույն աստիճանի շքանշան (1950)։
Ծանոթագրություններ խմբագրել
Գրականություն խմբագրել
- Ջեբեջյան Ռ., Հալեբի մեծանուն բժշկապետ Ա. Ա. Ալթունեան և եւ իր գործը, Հալեպ, 1969։
 | Վիքիդարանն ունի նյութեր, որոնք վերաբերում են «Արամ-Ասատուր Ալթունյան» հոդվածին։ |