Ավազակների թանգարան

Ավազակների թանգարան, նաև՝ բանդիտների թանգարան (իսպ.՝ Museo del Bandolero), պատմական թանգարան Իսպանիայի Անդալուզիա ինքնավար համայնքի Մալագա պրովինցիայի Ռոնդա քաղաքում։

Ավազակների թանգարան
Museo del bandolero.jpg
Տեսակթանգարան
ԵրկիրFlag of Spain.svg Իսպանիա[1]
ՏեղագրությունՌոնդա[1]
Ղեկավարության նստավայրՌոնդա
ՀասցեCalle Armiñán 65, 29400 Ronda (Málaga)[1]29400[1]
Հիմնադրվել է1995
Կայքmuseobandolero.com

ՆկարագրությունԽմբագրել

Իսպանիայում ավազակության սոցիալական ֆենոմենին նվիրված միակ թանգարանը տեղակայված է 19-րդ դարի փոքրիկ շենքի հինգ ցուցասրահներում։ Թանգարանի ցուցադրությունը, որում առկա է 1316 առարկա, պատմում է ռոմանտիկ լեգենդներով պարուրված անդալուզցի ավազակների մասին, որոնք լեռներում թալանում էին ճանապարհորդներին և այնտեղ էլ թաքնվում իշխանությունների հալածանքներից։ Ամեն տարի Ավազակների թանգարան, որը բացվել է 1995 թվականի մայիսին, այցելում է միջինը 51 հազար մարդ[2]։

Թանգարանի ցուցադրությունը մանրամասնորեն պատմում է ավազակների (բանդոլերոյի) կյանքի և պետության կողմից նրանց բռնելու ջանքերի մասին՝ վավերական անձնական փաստաթղթերի, լուսանկարների, նկարների, տեղանքի քարտեզների, հագուստի, զենքի և առօրյա կյանքի վերարտադրված տեսարանների հիման վրա։ Թանգարանն ունի նաև ընդարձակ գրադարան, որը բաղկացած է 495 հատորից, ներառյալ հինավուրցները, որոնց հեղինակները ապրել են նշված ժամանակահատվածում[3]։

ԾանոթագրություններԽմբագրել

  1. 1,0 1,1 1,2 1,3 Bibliotecas y Centros de Documentación de Andalucía
  2. Ruralsierrasol.es։ «Museo del Bandolero en Ronda»։ ruralsierrasol.es (իսպաներեն)։ Վերցված է 2021-05-18 
  3. «Andalusia: From Cártama to Ronda»։ Any Excuse to Travel (en-GB)։ 2018-07-05։ Վերցված է 2021-05-18 

Արտաքին հղումներԽմբագրել