Առյուծկա

Առյուծկա, գյուղ Արևմտյան Հայաստանում, Էրզրումի վիլայեթի Բաբերդի գավառակում, Բաբերդ (Բայբուրդ) քաղաքից հարավ, Ճորոխ գետի ձախակողմյան վտակ Առյուծկայի արգավանդ հովտում։

Գյուղ
Առյուծկա
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բաբերդի գավառակ
Այլ անվանումներ	Առուծնկա
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	առյուծկայեցի
Ժամային գոտի	UTC+3
Առյուծկա (Աշխարհ)

Տեղական ճանապարհով կապված էր Բաբերդ քաղաքի հետ։

Պատմություն

Առյուծկան ավերվել է Մեծ եղեռնի տարիներին։ Բնակչության մի մասը զոհվել է, մյուս մասը տարագրվել տարբեր երկրներ։ Գյուղն ամայացել է 1916-1916 թվականներին։

Բնակչություն

1909 թվականին ուներ 45 տուն հայ բնակիչ։ Մեծ եղեռնի նախօրեին ուներ 57 տուն` 594 հայ բանկչով։

Տնտեսություն

Բնակիչները հիմնականում զբաղվում էին երկրագործությամբ, այգեգործությամբ և մասամբ՝ անասնապահությամբ։

Պատմամշակութային կառույցներ

Առյուծկան ուներ եկեղեցի։

Կրթություն

Գյուղն ուներ նախակրթական վարժարան, որտեղ սովորում էին 120 աշակերտներ։

Գրչություն

1183 թվականին ոմն Հովսեփ գրիչ Առյուծկայում գրել է մի Ավետարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 545)։